લાલુ પ્રસાદ, રાબડી દેવી અને તેજ પ્રતાપને ઈડીનું સાયન્સ
વર્ષ ૨૦૦૪ થી ૨૦૦૯ દરમિયાન જમીન-નોકરી કૌભાંડનો મામલો
પટના, તા.૧૮ માર્ચઃ રાષ્ટ્રીય જનતા દળના નેતા લાલુ પ્રસાદ યાદવને સમન્સ જારી કર્યા છે. એજન્સીએ આ સમન્સ જમીન-જોબ કૌભાંડ કેસમાં પૂછપરછ માટે મોકલ્યું છે. આ કેસની શરૂઆતમાં સીબીઆઈ દ્વારા તપાસ કરવામાં આવી હતી, પરંતુ મની લોન્ડરિંગ એંગલ સામેલ હોવાને કારણે, ચ્ઝએ પણ કેસ દાખલ કર્યો હતો. આ મામલો ૨૦૦૪-૦૯ની વચ્ચેનો છે, જ્યારે લાલુ યાદવ યુપીએ સરકારમાં રેલવે મંત્રી હતા. અધિકારીઓનું કહેવું છે કે લાલુ સિવાય તેમના પુત્ર તેજ પ્રતાપ યાદવ અને પત્ની રાબડી દેવીને પણ પૂછપરછ માટે બોલાવવામાં આવ્યા છે.
ઈડીએ પરિવારના ત્રણેય સભ્યોને મંગળવારે બોલાવ્યા છે. આરોપ છે કે નોકરીના બદલામાં જમીન કૌભાંડ હેઠળ રેલ્વેમાં ગ્રુપ ડીની નોકરીના બદલામાં જમીન હસ્તગત કરવામાં આવી હતી. આ માટે ભરતીના નિયમોનો પણ ખુલ્લેઆમ ભંગ કરવામાં આવ્યો હતો. એવો આરોપ છે કે આ ભરતીમાં સામેલ લોકો અથવા તેમના પરિવારના સભ્યોએ જમીનો તગડી કિંમતે વેચી હતી. લાલુ યાદવના નજીકના મિત્રો અને તેમના પરિવારના સભ્યોએ આ જમીનો તેમના નામે માર્કેટ રેટના ચોથા ભાગની કિંમતે મેળવી હતી. સીબીઆઈએ આ મામલામાં એફઆઈઆર નોંધી હતી અને તેના આધારે ઈડીએ પણ આ કેસની તપાસ હાથ ધરી છે.
(4:55 PM IST)
છેલ્લા 8 દિવસમાં સૌથી લોકપ્રિય 
