IPL 2025 22 માર્ચથી શરૂ થવા જઈ રહી છે. પ્રથમ મેચ RCB vs KKR વચ્ચે રમાશે. આ વખતે લખનઉ સુપર જાયન્ટ્સ તેના નવા કેપ્ટનના નેતૃત્વમાં મેદાન પર ઉતરવા જઈ રહી છે. એલએસજીએ આગામી સિઝન માટે ઋષભ પંતને જવાબદારી સોંપી છે. IPL 2025 પહેલા ઉત્તર પ્રદેશના મુખ્યમંત્રી યોગી આદિત્યનાથે ઋષભ પંતને એક ખાસ ભેટ આપી છે, જેની તસવીર હવે સામે આવી છે.

સિઝનની શરૂઆત પહેલા લખનઉ સુપર જાયન્ટ્સના લગભગ તમામ ખેલાડીઓ, સપોર્ટ સ્ટાફ અને ટીમના માલિક સંજીવ ગોએન્કા યોગી આદિત્યનાથને મળ્યા હતા, જેની તસવીરો પણ સામે આવી હતી. આ દરમિયાન યોગી આદિત્યનાથે કેપ્ટન ઋષભ પંતને એક ખાસ ભેટ પણ શેર કરી હતી. હવે પંતે પોતે આ વાતનો ખુલાસો કર્યો છે. તેણે પોતાના ઈન્સ્ટાગ્રામ પર ભેટની તસવીર શેર કરી અને મુખ્યમંત્રીનો આભાર પણ માન્યો. પંતને ભગવાન રામની મૂર્તિ ભેટમાં મળી છે.

ઘણા વર્ષો સુધી દિલ્હી કેપિટલ્સનું નેતૃત્વ કરનાર પંત હવે એલએસજીની કપ્તાની સંભાળશે, કારણ કે એલએસજીએ તેને રૂ. 27 કરોડની બોલી લગાવીને આગામી સિઝન માટે તેમની ટીમનો ભાગ બનાવ્યો હતો. પંત IPLમાં સતત શાનદાર પ્રદર્શન કરી રહ્યો છે. જો કે આ વખતે તેના માટે એક નવો પડકાર છે. ગત સિઝનમાં પંતે 13 મેચમાં 40.54ની શાનદાર એવરેજથી 446 રન બનાવ્યા હતા, જેમાં 3 અડધી સદી પણ નોંધાઈ હતી.

જો પંતની આઈપીએલ કારકિર્દી પર નજર કરીએ તો તેણે અત્યાર સુધી 111 મેચમાં 35.31ની એવરેજથી 3284 રન બનાવ્યા છે. આ દરમિયાન 1 સદી સિવાય તેણે 18 અડધી સદી પોતાના નામે કરી છે. જોકે, પંતને ચેમ્પિયન્સ ટ્રોફી 2025માં ભારત માટે એક પણ મેચ રમવાની તક મળી ન હતી. ટીમ મેનેજમેન્ટે કેએલ રાહુલ પર વિશ્વાસ વ્યક્ત કર્યો હતો. તેણે રમાયેલી 5 મેચમાં પણ શાનદાર પ્રદર્શન કર્યું હતું. જેના કારણે પંતને બેંચ પર બેસવું પડ્યું.