જમ્મુ: કાશ્મીરમાં વસંત ઋતુની શરૂઆત સાથે પ્રવાસનમાં તેજીની આશા છે. લાંબા સૂકા શિયાળા બાદ ફેબ્રુઆરીમાં થયેલી બરફવર્ષાએ શિયાળુ પ્રવાસનને ઉત્તેજન આપ્યું હતું અને હવે ટ્રાવેલ એજન્ટો માર્ચ, એપ્રિલ અને મે માટે બુકિંગમાં વ્યસ્ત છે. ટ્રાવેલ એજન્ટ્સ એસોસિએશનના પ્રમુખ રઉફ અહમદ તરાંબૂએ જણાવ્યું કે, "અમને આગામી સિઝન માટે મોટી સંખ્યામાં બુકિંગ મળી રહી છે. લોકો કાશ્મીરની અનોખી સુંદરતા જોવા આતુર છે."

વસંતમાં ટ્યૂલિપ ગાર્ડન, બદામવાડી અને જંગલી ફૂલો પ્રવાસીઓ માટે મુખ્ય આકર્ષણ રહેશે. ટ્રાવેલ એજન્ટો ખાસ પેકેજો અને ડિસ્કાઉન્ટ ઓફર કરી રહ્યા છે જેથી વધુ પ્રવાસીઓ આવે.