તા.25 માર્ચ 2025: આ અંતર્ગત, દેશભરની 32,000 મસ્જિદો સાથે મળીને 32,000 લઘુમતી મોરચાના કાર્યકરો જરૂરિયાતમંદ લોકો સુધી પહોંચશે.
ભારતીય જનતા પાર્ટી (ભાજપ) ના લઘુમતી મોરચાએ દેશભરના 32 લાખ ગરીબ મુસ્લિમ પરિવારોને ખાસ કીટનું વિતરણ કરવા માટે 'સૌગાત-એ-મોદી' અભિયાન શરૂ કરવાનો નિર્ણય લીધો છે. આ પહેલ ઈદ પહેલા શરૂ કરવામાં આવી રહી છે, જેથી જરૂરિયાતમંદ મુસ્લિમ પરિવારો કોઈપણ મુશ્કેલી વિના તહેવાર ઉજવી શકે.

આ ઝુંબેશ મંગળવારે દિલ્હીના નિઝામુદ્દીનથી ભાજપના રાષ્ટ્રીય અધ્યક્ષ જે.પી. નડ્ડાના માર્ગદર્શન હેઠળ શરુ કરવામાં આવી રહી છે. આ અંતર્ગત, દેશભરની 32,000 મસ્જિદો સાથે મળીને 32,000 લઘુમતી મોરચાના કાર્યકરો જરૂરિયાતમંદ લોકો સુધી પહોંચશે.

તહેવારો દરમિયાન જરૂરિયાતમંદ લોકો સુધી મદદ પહોંચશે
ભાજપ લઘુમતી મોરચાના રાષ્ટ્રીય પ્રમુખ જમાલ સિદ્દીકીએ જણાવ્યું હતું કે આ અભિયાન રમઝાન અને ઈદ દરમિયાન તેમજ ગુડ ફ્રાઈડે, ઈસ્ટર, નવરોઝ અને ભારતીય નવા વર્ષ જેવા ખાસ પ્રસંગોએ ચાલુ રહેશે.

ઈદ મિલન કાર્યક્રમનું પણ આયોજન કરવામાં આવશે
આ ઉપરાંત જિલ્લા સ્તરે 'ઈદ મિલન' કાર્યક્રમોનું પણ આયોજન કરવામાં આવશે. લઘુમતી મોરચાના રાષ્ટ્રીય મીડિયા પ્રભારી યાસીર જિલાનીએ જણાવ્યું હતું કે આ અભિયાન ભાજપ અને એનડીએ માટે સમર્થન વધારવા અને સરકારની જન કલ્યાણકારી યોજનાઓને મુસ્લિમ સમુદાય સુધી પહોંચાડવાનો પણ એક પ્રયાસ છે.

'સૌગાત-એ-મોદી' કીટમાં શું હશે?
આ ઝુંબેશ હેઠળ વિતરણ કરવામાં આવનારી કીટમાં ખાદ્ય પદાર્થો ઉપરાંત કપડાં, સેવૈયા, ખજૂર, સૂકા ફળો અને ખાંડનો સમાવેશ થશે. મહિલાઓ માટેના કીટમાં સલવાર સૂટ મટિરિયલ હશે, જ્યારે પુરુષો માટે કુર્તા-પાયજામાનો સમાવેશ થશે. સૂત્રોના જણાવ્યા અનુસાર, દરેક કીટની અંદાજિત

રકમ 500 થી 600 રૂપિયા હશે.
ભાજપના આ અભિયાનને ગરીબ અને જરૂરિયાતમંદ મુસ્લિમ પરિવારોને સહાય પૂરી પાડવા તેમજ સમાજના વિવિધ વર્ગો સુધી તેની પહોંચ વધારવાના પ્રયાસ તરીકે ગણવામાં આવી રહ્યું છે.