એક નાના શહેર જેટલી લાંબી ટ્રેનની કલ્પના કરો! પણ, આ કલ્પના નથી પણ સત્ય છે. જાણો દુનિયાની સૌથી લાંબી ટ્રેન કઈ છે. ઓસ્ટ્રેલિયામાં દોડતી માલગાડીઓ વિશ્વની સૌથી લાંબી ટ્રેનો હોવાનો રેકોર્ડ ધરાવે છે. આ ટ્રેને 21 જૂન, 2001 ના રોજ વિશ્વની સૌથી લાંબી ટ્રેન હોવાનો ગિનિસ વર્લ્ડ રેકોર્ડ બનાવ્યો.

આ ટ્રેનો મુખ્યત્વે એક મોટી ખાણકામ કંપની BHP દ્વારા ચલાવવામાં આવે છે. આ માલગાડીઓ ઓસ્ટ્રેલિયાના પિલબારા ક્ષેત્રમાં દોડે છે, જે આયર્ન ઓર ખાણકામ માટે પ્રખ્યાત છે. રેકોર્ડ ટ્રેનની લંબાઈ 7.353 કિલોમીટર હતી! તેમાં કુલ 682 કોચ (વેગન) હતા, જે કાચા લોખંડથી ભરેલા હતા.

આ વિશાળ ટ્રેનને ખેંચવા માટે 8 શક્તિશાળી ડીઝલ-ઇલેક્ટ્રિક લોકોમોટિવનો ઉપયોગ કરવામાં આવ્યો હતો. આ એન્જિન ટ્રેનમાં અલગ અલગ જગ્યાએ લગાવવામાં આવ્યા હતા જેથી આખી ટ્રેનને સમાન શક્તિ મળી શકે.

આખી ટ્રેનનું કુલ વજન આશરે ૯૯,૭૩૪ ટન (લગભગ ૧ લાખ ટન) હતું! આ ટ્રેનો ખાણથી બંદર સુધી આશરે 426 કિલોમીટરનું અંતર કાપે છે.