ભોપાલઃ મધ્યપ્રદેશના દમોહમાં આવેલી મિશન હોસ્પિટલમાં બેદરકારીને કારણે 7 હૃદયરોગના દર્દીઓના મૃત્યુ થયા છે. અહીં લંડનથી એક માણસ ડૉક્ટર તરીકે કામ કરતો હતો, જેણે કેટલાક હૃદયરોગના દર્દીઓના ઓપરેશન પણ કર્યા હતા, જેમાંથી 7 લોકોના મૃત્યુ થયા હતા. એવું કહેવામાં આવી રહ્યું છે કે આ નકલી ડૉક્ટર લંડનના ડૉ. ન્કેમ જોનના નામથી કામ કરતો હતો. આ સમય દરમિયાન ડૉક્ટરે હૃદયના દર્દી પર સર્જરી કરી. જેમાંથી સાત દર્દીઓના મૃત્યુ થયા હતા.

આ ઘટના ફેબ્રુઆરી મહિનાની છે, એટલે કે દર્દીઓના મૃત્યુને બે મહિના વીતી ગયા છે. હૃદયરોગના દર્દીઓના ઓપરેશન દરમિયાન સાત લોકોએ જીવ ગુમાવ્યા. આ ગંભીર બેદરકારી છતાં, હોસ્પિટલ મેનેજમેન્ટે ન તો આરોપીની ડિગ્રી ચકાસી કે ન તો તેની ઓળખ ચકાસી. બાળ કલ્યાણ સમિતિના અધ્યક્ષ દીપક તિવારીએ આ અંગે ફરિયાદ કરી ત્યારે આ મામલો પ્રકાશમાં આવ્યો છે.