શેરબજારને દુરથી ‘‘રામ-રામ'' કરનારને પણ ટેરિફની આગ દઝાડશે
શેરબજારના કડાકાની એવા લોકો ઉપર પણ અસીર થશે જેમને તેની સાથે કોઈ સબંધ નથી : જો કોઈ માનતુ હોય કે અમને ટેરિફનો ‘‘ડંખ'' નહિ લાગે તો તે હવામાં ઉડે છેઃ ટેરિફની વ્યાપક અસીર જોવા મૃશે
નવી દિલ્હી,તા.૮: ટ્રમ્પના ટેરિફને કારણે વિશ્વભરના બજારોમાં વેચવાલીનો માહોલ સર્જાયો. જો તમે શેરબજારના રોકાણકાર નથી અને તમને ખાતરી છે કે આ ઘટાડો તમારા પર અસર કરશે નહીં, તો તમે ખોટી માન્યતામાં છો. શેરબજારમાં ઘટાડાની વ્યાપક અસર પડી છે. ચાલો જાણીએ કે શેરબજારમાં ઘટાડાની સામાન્ય લોકો પર શું અસર પડશે.
૧. પીપીએફ વ્યાજ દરો પર અસર શકય છે
કર્મચારી ભવિષ્ય નિધિ સંગઠન તેના વાર્ષિક ભંડોળના ૧૫ ટકા ETF દ્વારા શેરબજારમાં રોકાણ કરે છે. પીએફ પર વ્યાજ દર તેના પર થતી આવક પર આધાર રાખે છે. જ્યારે શેરબજારમાં મોટો ઘટાડો થાય છે, ત્યારે સંસ્થાના ભંડોળમાં પણ ઘટાડો થાય છે. આનાથી વ્યાજ દરો પર અસર પડી શકે છે.
૨. રાષ્ટ્રીય પેન્શન યોજનાનો નફો ઘટશે
રાષ્ટ્રીય પેન્શન યોજના શેરબજારમાંથી મૃતા વળતર સાથે પણ જોડાયેલી છે. તેમાંથી ૫૦ થી ૭૦ ટકા બજારમાં રોકાણ કરવામાં આવે છે. જો આમાં ઘટાડો થાય છે, તો નફાને પણ મોટો ફટકો પડી શકે છે. નોંધનીય છે કે NPS સરેરાશ ૧૦ થી ૧૨% વળતર આપી રહ્યું છે.
૩. વાર્ષિકી લેનારાઓના પેન્શનમાં ઘટાડો થવાની શકયતા છે.
NPS સભ્યો માટે નિવળત્તિ પછી પેન્શન વાર્ષિકી યોજના લેવી ફરજિયાત છે. કંપનીઓ શેરબજારમાં રોકાણ કરે છે. બજારમાં ઘટાડાને કારણે, વાર્ષિકી ભંડોળ ઘટશે, જેના કારણે પેન્શનની રકમ પણ ઘટી શકે છે.
૪. વ્યાપારિક પ્રવળત્તિઓ ધીમી પડશે
લગભગ ૭,૫૦૦ કંપનીઓ શેરબજાર સાથે સંકળાયેલી છે, જે બજારમાંથી ભંડોળ એકત્ર કરે છે. જ્યારે ઘટાડો થાય છે, ત્યારે કંપનીનું બજાર મૂડીકરણ ઘટે છે, જેને ભરપાઈ કરવામાં સમય લાગે છે. આવી સ્થિતિમાં, કંપનીઓની વ્યવસાયિક પ્રવળત્તિઓ ધીમી પડી જાય છે.
૫. રોજગારની તકો ઘટશે, પગાર અને ભથ્થાં પણ પ્રભાવિત થશે
કંપનીઓ વ્યવસાયિક પ્રવળત્તિ જાળવી રાખવા માટે ખર્ચમાં ઘટાડો કરે છે. આનાથી યુવાનો માટે રોજગારની તકો પણ ઓછી થાય છે. તે જ સમયે, કર્મચારીઓના પગાર અને ભથ્થામાં વધારાની અપેક્ષાઓ પણ ઠગારી નીવડે છે.
૬. રૂપિયો નબળો પડશે, ફુગાવો વધશે
શેરબજારમાં ઘટાડાને કારણે રૂપિયાનું મૂલ્ય પણ ઘટે છે. દેશમાં ઉત્પાદિત ઘણી આવશ્યક વસ્તુઓ માટે કાચો માલ અને ભાગો વિદેશથી આવે છે. તેમની કિંમતોમાં વધારાને કારણે, અહીં ઉત્પાદિત થતી દવાઓ, ખાતર વગેરે જેવી ચીજવસ્તુઓના ભાવ વધે છે.
૭. અર્થતંત્રની ઝડપી ગતિ પર બ્રેક શકય છે
તાજેતરમાં, વિદેશી રોકાણકારો ચીન તરફ વધુને વધુ આકર્ષાયા છે. બજારમાં ઘટાડાનું આ પણ એક મુખ્ય કારણ માનવામાં આવી રહ્યું છે. જો વિદેશી રોકાણકારોનું આ વલણ ચાલુ રહેશે, તો અર્થતંત્રની ગતિ થોડા સમય માટે ધીમી પડી શકે છે.
૮. જો ઓછા રોકાણકારો હશે તો સરકારની આવક ઘટશે.
બજારમાં રોકાણ કરનારાઓ પાસેથી સરકારને ટ્રાન્ઝેક્શન ટેક્સ, કેપિટલ ગેઇન ટેક્સ વગેરેના રૂપમાં આવક મળે છે. આ ઘટાડાથી રોકાણકારોની ભાગીદારી ઘટશે. આનાથી સરકારની આવક ઘટશે અને વિકાસ કાર્યો પર ખર્ચ ઘટશે.(૪૦.૬)
(10:18 AM IST)
છેલ્લા 8 દિવસમાં સૌથી લોકપ્રિય 
