અમરોહા તા.૧૦: ઉત્તર પ્રદેશના અમરોહામાં, ત્રણ બાળકોની માતાએ બુધવારે એક મંદિરમાં ૧૨મા ધોરણની વિદ્યાર્થીની સાથે લગ્ન કર્યા. હસનપુર પોલીસ સર્કલ ઓફિસર દીપ કુમાર પંતના જણાવ્‍યા અનુસાર, ૨૬ વર્ષીય મહિલાએ પોતાનું નામ પણ બદલી નાખ્‍યું છે અને તેના માતા-પિતા હવે હયાત નથી અને તેના પહેલા બે વાર લગ્ન થઈ ચૂકયા છે અને આ તેના ત્રીજા લગ્ન છે. હવે તે મહિલા અને ૧૨મા ધોરણનો વિદ્યાર્થી બંને ખૂબ ખુશ છે અને કોઈ તેમના જીવનમાં દખલ કરતું નથી.

બાજુના છોકરા સાથે પ્રેમ થઈ ગયો

આ મામલો અમરોહા જિલ્લાના સૈદાનવાલી પોલીસ સ્‍ટેશન વિસ્‍તારનો છે. જ્‍યાં ત્રણ બાળકોની માતાને પડોશમાં રહેતા ૧૭ વર્ષના છોકરા સાથે પ્રેમ થઈ ગયો. આ કિસ્‍સામાં, લોકોની સંમતિથી, પંચાયતે ચુકાદો આપ્‍યો કેસ્ત્રી ગમે ત્‍યાં ઈચ્‍છે ત્‍યાં રહી શકે છે. મહિલાએ તેના પતિને છૂટાછેડા આપી દીધા છે. ૨૬ વર્ષીય મહિલાના લગ્ન ૮ વર્ષ પહેલા સૈદાનવાલી નગર પંચાયત વિસ્‍તારના એક યુવક સાથે થયા હતા. બંનેને ત્રણ દીકરીઓ પણ છે.

મામલો પંચાયત સુધી પહોંચ્‍યો

લગભગ એક વર્ષ પહેલા, તેના પતિને એક માર્ગ અકસ્‍માતમાં ઈજા થઈ હતી, ત્‍યારબાદ પતિ શારીરિક રીતે નબળો પડી ગયો હતો, તેથી મહિલાને તે જ વિસ્‍તારમાં રહેતા એક અલગ સમુદાયના કિશોર સાથે પ્રેમ થઈ ગયો અને તે તેની સાથે રહેવા લાગી. ત્રણ દિવસ પહેલા, બંને પક્ષના લોકોએ આ બાબતે પંચાયત યોજી હતી. જ્‍યાં લોકોની હાજરીમાં નિર્ણય લેવામાં આવ્‍યો કે મહિલા પોતાની મરજી મુજબ જ્‍યાં ઇચ્‍છે ત્‍યાં રહી શકે છે.

મહિલાના તેના પતિથી છૂટાછેડા થઈ ગયા છે અને તે તેના બાળકોને તેના પતિ પાસે છોડી ગઈ છે. મહિલાએ પોતાનું નામ પણ બદલી નાખ્‍યું છે. મહિલાએ કહ્યું કે તેણે પોતાની મરજીથી લગ્ન કર્યા છે અને હવે તે ખૂબ જ ખુશ છે અને તેને કોઈ સમસ્‍યા નથી. એવું કહેવામાં આવી રહ્યું છે કે આ મહિલાના પહેલા લગ્ન અલીગઢમાં થયા હતા, ત્‍યાં લગ્ન તૂટયા બાદ, તેણે સૈદાનવલીમાં લગ્ન કર્યા. છોકરો અનેસ્ત્રી બંને દાવો કરી રહ્યા છે કે તેમણે પોતાની મરજીથી લગ્ન કર્યા છે અને બંને ખુશ છે.(૩૮.૭)