પંજાબમાં, આજે 5,700 શીખ યાત્રાળુઓનું એક જૂથ અટારી-વાઘા સંયુક્ત ચેકપોસ્ટ દ્વારા પાકિસ્તાનમાં પ્રવેશ્યું હતું જેથી તેઓ વૈશાખી પર ખાલસા સજના દિવસ નિમિત્તે ગુરુદ્વારાઓમાં પૂજા કરી શકે.

તેમના રોકાણ દરમિયાન, શ્રદ્ધાળુઓ ગુરુદ્વારા શ્રી પંજા સાહિબ હસન અબ્દાલ, ગુરુદ્વારા જન્મ અસ્થાન શ્રી નનકાના સાહિબ, ગુરુદ્વારા શ્રી સચ્ચા સૌદા સાહિબ, ગુરુદ્વારા શ્રી દરબાર સાહિબ શ્રી કરતારપુર સાહિબ, ગુરુદ્વારા દેહરા સાહિબ લાહોર અને ગુરુદ્વારા રોરી સાહિબ એમિનાબાદની મુલાકાત લેશે. આમાંના મોટાભાગના ગુરુદ્વારા પ્રથમ ગુરુ, ગુરુ નાનક દેવજી સાથે સંકળાયેલા છે. યાત્રાળુઓ ૧૯ એપ્રિલે ભારત પરત ફરશે.