તા. ૧ ઓક્ટોબર ર૦ર૬ વિક્રમ સંવત ર૦૮૨ ભાદરવા વદ – ૫ ગુરૂવાર
વક્ફ કાયદાને લઈને મુર્શિદાબાદ હિંસામાં ૧૧૦ લોકોની ધરપકડ : અન્ય જિલ્લાઓમાં પણ દરોડા ચાલુ
સંવેદનશીલ વિસ્તારોમાં ભારે પોલીસબળ તૈનાત
ર્મુદિાબાદ, તા.૧૨:પશ્ચિમ બંગાળના મુસ્લિમ બહુમતીવાળા મુર્શિદાબાદ જિલ્લામાં વક્ફ (સુધારા) અધિનિયમ ૨૦૨૫ ના વિરોધ દરમિયાન થયેલી હિંસામાં વહીવટીતંત્રે અત્યાર સુધીમાં ૧૦૦ લોકોની ધરપકડ કરી છે. થોડા સમય પહેલા જાંગીપુર વિસ્તારમાં હિંસા શરૂ થઈ હતી જ્યારે હજારો લોકો વિવાદાસ્પદ વક્ફ કાયદાને પાછો ખેંચવાની માંગ સાથે રસ્તા પર ઉતરી આવ્યા હતા. આ પછી, શુક્રવારની નમાજ દરમિયાન ફરી હિંસા ફાટી નીકળી અને તેમાં ઘણા પોલીસકર્મીઓ ઘાયલ થયા. આ વિસ્તારમાં ફરી પથ્થરમારો અને આગચંપીની ઘટનાઓ બની. આ પછી, હિંસા પ્રભાવિત વિસ્તારોમાં BSF તૈનાત કરવામાં આવ્યું છે
મુર્શિદાબાદ મુસ્લિમ બહુમતી ધરાવતો જિલ્લો છે. અહીંની કુલ વસ્તીના ૬૬.૨૭ ટકા લોકો મુસ્લિમ સમુદાયના છે. જિલ્લાનો જાંગીપુર વિસ્તાર પણ મુસ્લિમ બહુમતી ધરાવતો છે. પરંતુ હવે પરિસ્થિતિ સામાન્ય છે. જિલ્લામાં વિવિધ સ્થળોએ ભારે પોલીસ બંદોબસ્ત ગોઠવવામાં આવ્યો છે. જાંગીપુરમાં હજુ પણ ઇન્ટરનેટ સેવા બંધ છે. રેલ સેવાઓમાં કોઈ વિક્ષેપ નથી.
દરમિયાન, બંગાળ વિધાનસભામાં વિરોધ પક્ષના નેતા શુભેન્દુ અધિકારીએ કહ્યું કે મુર્શિદાબાદ જિલ્લામાં જલંગી બીડીઓ ઓફિસમાં તોડફોડની ઘટનાથી તેઓ ખૂબ જ ગુસ્સે અને દુઃખી છે. તેમણે કડક શબ્દોમાં તેની નિંદા કરી. તેમણે કહ્યું કે આ તોડફોડ કથિત રીતે વક્ફ વિરોધી કાયદા વિરુદ્ધ પ્રદર્શન કરનારાઓ દ્વારા કરવામાં આવી હતી, પરંતુ આ લોકો વિરોધીઓ નહીં પણ કટ્ટરપંથી તત્વો હતા.
તેમણે કહ્યું કે આ વિરોધ પ્રદર્શન નહોતું પણ આયોજિત હિંસા હતી. આ લોકશાહી અને શાસન પર હુમલો હતો. કેટલાક જેહાદી દળો અરાજકતા ફેલાવીને અને સમાજના અન્ય સમુદાયોમાં ભય પેદા કરીને પોતાની તાકાત બતાવવા માંગે છે. સરકારી સંપત્તિને નુકસાન પહોંચાડવામાં આવ્યું, સરકારી અધિકારીઓને ધમકી આપવામાં આવી અને ભયનું વાતાવરણ ઉભું કરવામાં આવ્યું. આ બધું વિરોધના નામે કરવામાં આવ્યું હતું, જે સંપૂર્ણપણે ખોટું છે.
મમતા બેનર્જીની સરકારનું મૌન આશ્ચર્યજનક છે. તે આટલી અરાજકતા કેમ સહન કરી રહી છે? રાજ્ય સરકાર તરફથી આ આતંકવાદી કળત્યની નિંદા કરતો કોઈ સ્પષ્ટ નિવેદન કેમ ન આવ્યો? શું પશ્ચિમ બંગાળના લોકો અને સંસ્થાઓની સુરક્ષા કરતાં વોટ બેંકનું રાજકારણ વધુ મહત્વનું છે?
પોલીસના જણાવ્યા અનુસાર, વિરોધ શરૂઆતમાં શાંતિપૂર્ણ હતો, પરંતુ ટૂંક સમયમાં તે હિંસક બની ગયો. પ્રદર્શનકારીઓએ રાષ્ટ્રીય ધોરીમાર્ગ-૧૨ બ્લોક કરી દીધો અને પોલીસ પર પથ્થરમારો શરૂ કરી દીધો. પરિસ્થિતિ વધુ વણસી જતાં, કેટલાક બદમાશોએ પોલીસ વાહનો સહિત અનેક વાહનોમાં આગ લગાવી દીધી. આ દરમિયાન ઘણા પોલીસકર્મીઓ ઘાયલ થયા હતા. ભીડને કાબુમાં લેવા માટે પોલીસે લાઠીચાર્જ અને ટીયર ગેસના સેલ છોડવા પડ્યા. એક પોલીસ અધિકારીએ જણાવ્યું કે હિંસામાં સામેલ લોકોની ઓળખ કરવામાં આવી રહી છે. અત્યાર સુધીમાં ૧૦૦ લોકોની ધરપકડ કરવામાં આવી છે.
પરિસ્થિતિને કાબુમાં લેવા માટે, જાંગીપુર અને આસપાસના સંવેદનશીલ વિસ્તારોમાં ભારે પોલીસ દળ તૈનાત કરવામાં આવ્યું છે. વહીવટીતંત્રે આ વિસ્તારમાં કલમ ૧૬૩ લાગુ કરી દીધી છે. એક વરિષ્ઠ પોલીસ અધિકારીએ જણાવ્યું હતું કે પરિસ્થિતિ હવે શાંતિપૂર્ણ અને નિયંત્રણમાં છે. જિલ્લામાં કોઈ નવી અનિચ્છનીય ઘટના નોંધાઈ નથી. અમે સંવેદનશીલ વિસ્તારોમાં પેટ્રોલિંગ અને દેખરેખ ચાલુ રાખીશું.
(3:36 PM IST)
છેલ્લા 8 દિવસમાં સૌથી લોકપ્રિય 
