નવી દિલ્હી : અમેરિકાએ શરૂ કરેલ  ટેરિફ યુદ્ધ વચ્ચે ક્રેડિટ રેટિંગ કંપની મૂડીઝે પોતાનો રિપોર્ટ બહાર પાડ્યો છે, જેમાં તેણે કહ્યું છે કે આ ટેરિફ યુદ્ધની યુએસ બજાર પર નકારાત્મક અસર પડશે અને લોકોનો બજારમાંથી વિશ્વાસ ઘટી શકે છે.

અમેરિકાના રાષ્ટ્રપતિ ડોનાલ્ડ ટ્રમ્પે ટેરિફની જાહેરાત કર્યા બાદ વિશ્વભરમાં હાહાકાર મચી જવા પામ્યો છે. જેની અસર શેર માર્કેટ પર પણ ખરાબ રીતે પડી છે. ડોનાલ્ડ ટ્રમ્પ દ્વારા શરૂ કરાયેલા ટેરિફ યુદ્ધ વચ્ચે ક્રેડિટ રેટિંગ એજન્સી મૂડીઝે અમેરિકા પર નવો ડેટા રજૂ કર્યો છે. કંપનીએ કહ્યું કે બજાર હાલમાં જે રીતે ઉથલપાથલમાંથી પસાર થઈ રહ્યું છે. આનાથી અમેરિકન બજાર અને તેના લોકો પર નકારાત્મક અસર પડશે.

જો કે થોડા સમયમાં જ અમેરિકન રાષ્ટ્રપતિએ યુ-ટર્ન લેતા ચીન સિવાય અન્ય દેશો પરના બદલો લેવાના ટેરિફ 90 દિવસ માટે મુલતવી રાખ્યા છે. જોકે, બાકીના દેશોમાં મૂળભૂત 10 ટકા કસ્ટમ ડ્યુટી લાગુ રહેશે. મૂડીઝ રેટિંગ્સના સિનિયર વાઇસ પ્રેસિડેન્ટ નિક્કી ડોંગે જણાવ્યું હતું કે યુએસ-ચીન તણાવમાં વધારો અને ચીનમાં મંદીના પ્રસારની અસરો એશિયન ક્ષેત્રની વૃદ્ધિની સંભાવનાઓ માટે નોંધપાત્ર નકારાત્મક જોખમો ઉભા કરે છે.

ભારત જેવા મોટા સ્થાનિક બજારો ધરાવતી અર્થવ્યવસ્થાઓને આ બજારોમાં પ્રવેશ મેળવવા માંગતી કંપનીઓથી ફાયદો થઈ શકે છે, પરંતુ રોકાણ પ્રવાહમાં કોઈપણ મોટો ફેરફાર ઘણા વર્ષોમાં થશે. મૂડીઝની બીજી એક કંપની, મૂડીઝ એનાલિટિક્સે ગયા અઠવાડિયે કેલેન્ડર વર્ષ 2025 માટે ભારતના વિકાસ દરનો ફેબ્રુઆરીનો અંદાજ ઘટાડીને 6.1 ટકા કર્યો હતો. અગાઉ તેણે 6.4 ટકા વૃદ્ધિનો અંદાજ લગાવ્યો હતો. ડાંગે જણાવ્યું હતું કે ડ્યુટી પરના વર્તમાન સ્થગિતીકરણથી પ્રદેશના વેપાર અને વિકાસ પર વધારાની ડ્યુટીની નકારાત્મક અસર ઓછી થઈ છે. જોકે, પ્રદેશના અર્થતંત્રોએ હજુ પણ વધારાની 10 ટકા ડ્યુટી ચૂકવવી પડશે

  ડાંગે જણાવ્યું હતું કે 90 દિવસનો મુદત તમામ સરકારોને વધુ અનુકૂળ શરતો માટે વાટાઘાટો કરવાની તક પૂરી પાડે છે. તેમણે કહ્યું કે ઊંચા એકંદર ટેરિફ હજુ પણ યુએસ અર્થતંત્ર પર ફુગાવાનું દબાણ લાવે છે. દરમિયાન, નીતિગત અનિશ્ચિતતાઓ વ્યવસાય અને ગ્રાહક ભાવનાઓને નબળી પાડવાની અને સ્થાનિક માંગને નબળી પાડવાની શક્યતા છે, જેનાથી વૃદ્ધિ માટે નકારાત્મક જોખમો ઉભા થશે.