છેલ્લા 8 દિવસમાં સૌથી લોકપ્રિય ઈમરાન ખાનનું જેલમાં મોત? 3:12 PM
પહેલા હાથ-પગ બાંધ્યા પછી અંધાધૂંધ ગોળીબાર કર્યો... ઈરાનમાં બલૂચ બળવાખોરોનો આતંકઃ ૮ પાકિસ્તાની મજૂરોની હત્યા
બલુચિસ્તાન નેશનલ આર્મીએ આ હુમલાની જવાબદારી સ્વીકારી તેઓએ સિસ્તાન-બલુચિસ્તાન પ્રાંતમાં કાર રિપેર વર્કશોપમાં કામ કરતા કામદારો પર અંધાધૂંધ ગોળીબાર કર્યો
નવી દિલ્હી,તા.૧૪: બલૂચ બળવાખોરો દ્વારા મચાવાયેલ વિનાશ અટકવાના કોઈ સંકેત દેખાતા નથી. ઈરાનના સિસ્તાન-બલુચિસ્તાન પ્રાંતમાં બલૂચ બળવાખોરો દ્વારા આઠ પાકિસ્તાની કામદારોની હત્યા કરવામાં આવી હતી. આ બધા મજૂરો પંજાબના રહેવાસી હતા.
અહેવાલો અનુસાર, આ ઘટના શનિવારે રાત્રે મેહરિસ્તાન જિલ્લામાં બની હતી. બાદમાં બલુચિસ્તાન નેશનલ આર્મીએ આ હુમલાની જવાબદારી સ્વીકારી. તેઓએ સિસ્તાન-બલુચિસ્તાન પ્રાંતમાં કાર રિપેર વર્કશોપમાં કામ કરતા કામદારો પર અંધાધૂંધ ગોળીબાર કર્યો. બળવાખોરો એક કાર રિપેર વર્કશોપમાં ઘૂસી ગયા.
તેઓએ પહેલા ત્યાં કામ કરતા કામદારોના હાથ-પગ બાંધી દીધા અને પછી તેમના પર અંધાધૂંધ ગોળીબાર કર્યો. આ દરમિયાન આઠ કામદારોના મોત થયા.
પાકિસ્તાને આઠ કામદારોની હત્યાને અમાનવીય અને કાયરતાપૂર્ણ કળત્ય ગણાવ્યું છે અને આ મામલાની તપાસ માટે ઈરાન પાસેથી સંપૂર્ણ સહયોગની માંગ કરી છે. પાકિસ્તાનના વિદેશ મંત્રાલયે એક નિવેદન જારી કરીને કહ્યું કે પાકિસ્તાન ઈરાનમાં આપણા નાગરિકોની અમાનવીય અને કાયરતાપૂર્ણ હત્યાની નિંદા કરે છે. અમને આશા છે કે ઈરાન આ મામલાની તપાસમાં અમને સંપૂર્ણ સહયોગ કરશે.
તમને જણાવી દઈએ કે બલૂચ બળવાખોરો પાકિસ્તાન માટે મોટો માથાનો દુખાવો બની ગયા છે. બલૂચ બળવાખોરો માત્ર પાકિસ્તાનથી સ્વતંત્રતાની માંગ કરી રહ્યા નથી પરંતુ તેઓ તેમની જમીન પર ચીનના પ્રોજેક્ટ્સનો પણ વિરોધ કરી રહ્યા છે. બલૂચ લોકો કહે છે કે ચીન તેમના સંસાધનોને લૂંટી રહ્યું છે. બલૂચ બળવાખોરોએ બલૂચિસ્તાનને ચીનના શિનજિયાંગ પ્રાંત સાથે જોડતા CPEC પ્રોજેક્ટ્સ પર કામ કરતા ચીની કામદારો પર પણ અનેક હુમલાઓ કર્યા છે.
બલુચિસ્તાન એક સંસાધનોથી સમળદ્ધ પ્રદેશ છે, જે કુદરતી ગેસ, કોલસો, તાંબુ અને અન્ય કિંમતી ખનિજોનું ઘર છે. બલૂચ લોકો માને છે કે પાકિસ્તાન અને ચીન મળીને આ ખનિજોની લૂંટ ચલાવી રહ્યા છે અને બલૂચ લોકોનું શોષણ થઈ રહ્યું છે.(૪૦.૯)
(10:02 AM IST)
