નવી દિલ્હી : Googleએ એક મોટી જાહેરાત કરી છે, જેના પછી વિશ્વભરના વપરાશકર્તાઓને ફેરફારો જોવા મળશે.  મંગળવારે કરવામાં આવેલી જાહેરાત મુજબ, કંપની ટૂંક સમયમાં ગુગલના સ્થાનિક ડોમેનમાં ફેરફાર કરવા જઈ રહી છે. હાલમાં, વિવિધ દેશો માટે સ્થાનિક ગુગલ ડોમેન્સ છે, જેમ કે ભારત માટે Google Dot co Dot in અને ફ્રાન્સ માટે Google Dot fr છે.

ગૂગલના આ સ્થાનિક ડોમેન્સ ઘણા વર્ષોથી ઉપયોગમાં છે અને સ્થાનિક શોધ પરિણામો પ્રદાન કરવા માટે ઉપયોગમાં લેવાય છે. હવે નવા ફેરફાર હેઠળ, કંપની કન્ટ્રી કોડ ટોપ લેવલ ડોમેન્સ દૂર કરવા જઈ રહી છે, જેના સ્થાને વપરાશકર્તાઓ સીધા google.com પર પહોંચશે.

 2017 થી ગૂગલ રીઅલ-ટાઇમ ભૌતિક સ્થાનને ઍક્સેસ કરે છે જેથી સંબંધિત શોધ પરિણામો વપરાશકર્તાઓ સુધી પહોંચાડી શકાય, પછી ભલે તમે ગમે તે દેશનું ડોમેન ચલાવી રહ્યા છો.

ગૂગલે કહ્યું કે આ અપડેટ ટૂંક સમયમાં બધા વપરાશકર્તાઓ સુધી પહોંચશે. આમાં થોડા મહિના લાગી શકે છે. આ પ્રક્રિયા પૂર્ણ થઈ ગયા પછી, જ્યારે પણ તમે URL માં કોઈપણ દેશનો કોડ લખો છો, ત્યારે તે આપમેળે Google.com પર રીડાયરેક્ટ થઈ જશે.

ગૂગલના આ ફેરફાર પછી વપરાશકર્તાઓના શોધ પરિણામો પર કોઈ અસર થશે નહીં. જોકે, કેટલાક વપરાશકર્તાઓને પસંદગીઓ રીસેટ કરવાની જરૂર પડી શકે છે, જેમાં ભાષા અથવા પ્રદેશ પસંદગીનો સમાવેશ થઈ શકે છે. આ અંગેની માહિતી આગામી દિવસોમાં ઉપલબ્ધ થશે.

આ અપડેટ પછી પણ વપરાશકર્તાઓને સ્થાનિક સામગ્રી અને શોધ પરિણામો મળતા રહેશે. ઉદાહરણ તરીકે, જો તમે જાપાનમાં છો, તો તમને જાપાન સંબંધિત શોધ પરિણામો જોવા મળશે અને જો તમે બ્રાઝિલના છો, તો તમને બ્રાઝિલના સ્થાનિક પરિણામો જોવા મળશે.