તા. ૭ નવેમ્બરે ર૦ર૫ વિક્રમ સંવત ર૦૮૨ કારતક વદ – ૨ શુક્રવાર
News of Thursday, 24th April 2025
આતંકી હુમલા બાદ પાકિસ્તાનમાં બેઠેલા આતંકીઓના માસ્ટરમાઈન્ડ અને પાકિસ્તાની સેનાને નિશાન બનાવવા માટે ભારત પાસે અનેક વિકલ્પો
ભારત પાસે પાકિસ્તાન પર હુમલો કરવા અને તેના હુમલાઓને નિષ્ફળ બનાવવા માટે પહેલા કરતાં વધુ સારા શસ્ત્રો અને લડાકુ વિમાનો : પુલવામા ડુમલા બાદ ભારતે તેની સુરક્ષાને મજબૂત બનાવી

નવી દિલ્હી તા.૨૪ : આતંકી હુમલાને લઈને દેશભરમાં આક્રોશનો માહોલ છે. હવે ભારત સરકાર તેનો પલટજવાબ આપવાની તૈયારી કરી રહ્યું છે. પાકિસ્તાનમાં બેઠેલા આતંકીઓના માસ્ટરમાઈન્ડ અને પાકિસ્તાની સેનાને નિશાન બનાવવા માટે ભારત પાસે અનેક વિકલ્પો છે.
ભારત પાસે પાકિસ્તાન પર હુમલો કરવા અને તેના હુમલાઓને નિષ્ફળ બનાવવા માટે પહેલા કરતાં વધુ સારા શસ્ત્રો અને લડાકુ વિમાનો છે. પુલવામા ડુમલા બાદ ભારતે તેની સુરક્ષાને મજબૂત બનાવી છે. ચાલો તેમની ક્ષમતાઓ વિશે જાણીએ.
રાફેલ ફાઈટર જેટ ભારતીય વાયુસેનાનું સૌથી આધુનિક ફાઈટર વિમાન છે. બાલાકોટ હવાઈ હુમલા પછી પાકિસ્તાનના જવાબી હુમલા દરમિયાન ભારત પાસે રાફેલ વિમાન ન હતું. પીએમ મોદીએ પાછળથી કહ્યું હતું કે જો તે સમયે આપણી પાસે રાફેલ વિમાન હોત તો કદાચ પાકિસ્તાની વાયુસેના હવાઈ ક્ષેત્રમાં પ્રવેશવાની હિંમત ન કરત.
રાફેલ મીટિયોર અને સ્કેલ્પ જેવી મિસાઈલોથી સજ્જ છે. મીટીયોર હવામાં જ પ્રહાર કરી શકે છે અને તેની રેન્જ 150 કિલોમીટરથી વધુ છે. આનો અર્થ એ થયો કે રાફેલ 150 કિલોમીટરના અંતરેથી ભારત તરફ આગળ વધી રહેલા પાકિસ્તાની લડાકુ વિમાનોને નષ્ટ કરી શકે છે.
ભારત પાસે S-400 જેવી અત્યાધુનિક એર ડિફેન્સ સિસ્ટમ છે અને તે પાકિસ્તાનની સીમા પર તૈનાત છે. જો પાકિસ્તાની લડાકુ વિમાનો સીમાની અંદર 400 કિલોમીટર દૂર સ્થિત એરબેઝ પરથી હવામાં ઉડાન ભરે છે, તો S-400 તે જ ક્ષણે તેમને ટ્રેક કરશે અને હુમલો કરીને તેમનો નાશ કરી શકે છે. આવી સ્થિતિમાં પાકિસ્તાન વાયુસેના માટે ભારતના સામનો કરવો મુશ્કેલ હતો.
બ્રહ્મોસ મિસાઈલ
બ્રહ્મોસ એક સુપરસોનિક ક્રુઝ મિસાઈલ છે. બ્રહ્મોસ મિસાઈલ એટલી ઝડપથી હુમલો કરે છે કે કોઈપણ હવાઈ ડિફેન્સ પ્રણાલી માટે તેને અટકાવવી ખૂબ મુશ્કેલ છે. ત્રણેય ભારતીય સશસ્ત્ર દળો પાસે બ્રહ્મોસ મિસાઈલના અલગ અલગ વેરિઅન્ટ છે.
(3:29 PM IST)









છેલ્લા 8 દિવસમાં સૌથી લોકપ્રિય 
