નવી દિલ્હી : પ્રધાનમંત્રી નરેન્દ્રભાઈ મોદી આજે રોજગાર સર્જનને સર્વોચ્ચ પ્રાથમિકતા આપવાની તેમની પ્રતિબદ્ધતાને અનુરૂપ, 15મા રોજગાર મેળામાં વિવિધ સરકારી વિભાગો અને સંસ્થાઓમાં નવા નિયુક્ત થયેલા 51 હજારથી વધુ યુવાનોને વિડિયો કોન્ફરન્સિંગ દ્વારા નિમણૂક પત્રોનું વિતરણ કરશે. આ પ્રસંગે પ્રધાનમંત્રી સંબોધન પણ કરશે.

આ રોજગાર મેળો દેશભરના 47 સ્થળોએ યોજાશે, જે યુવાનોને સશક્તિકરણ અને રાષ્ટ્રીય વિકાસમાં અસરકારક યોગદાન આપવા માટે અર્થપૂર્ણ તકો પ્રદાન કરશે. નવા ભરતી થયેલા યુવાનો કેન્દ્ર સરકારના વિવિધ મંત્રાલયો અને વિભાગોમાં જોડાશે. આ પહેલ યુવાનોને સરકારી નોકરીઓ મેળવવામાં મદદરૂપ થશે અને દેશના વિકાસમાં તેમની ભાગીદારીને પ્રોત્સાહન આપશે. પ્રધાનમંત્રીનું આ પગલું યુવા પેઢીને નવી તકો આપવા અને બેરોજગારી ઘટાડવાના સરકારના પ્રયાસોને વધુ મજબૂત બનાવશે.