નવી દિલ્હી: કૈલાસ માનસરોવર યાત્રાને લઈને સરકારની યોજના સામે આવી ગઈ છે. વિદેશ મંત્રાલય દ્વારા આયોજિત કૈલાસ માનસરોવર યાત્રા જૂનથી ઓગસ્ટ 2025 દરમિયાન યોજાશે. આ યાત્રા બે અલગ અલગ માર્ગો દ્વારા કરવામાં આવશે. જેમાં પાંચ જૂથો હશે અને દરેક જૂથમાં 50 યાત્રિકો લિપુલેખ ઘાટ પાર કરીને ઉત્તરાખંડ થઈને યાત્રા કરશે. તે જ રીતે, દસ જૂથોમાં પણ દરેક જૂથમાં 50 યાત્રિકો નાથુલા ઘાટ પાર કરીને સિક્કિમ રાજ્ય થઈને યાત્રા કરશે.
અરજી માટે વેબસાઈટ ખુલ્લી મુકાઈ:
કૈલાસ માનસરોવર યાત્રા માટે અરજીઓ સ્વીકારવા માટે kmy.gov.in નામની વેબસાઈટ ખોલવામાં આવી છે. યાત્રિકોની પસંદગી અરજદારોમાંથી નિષ્પક્ષ, કોમ્પ્યુટર દ્વારા તૈયાર કરાયેલ, રેન્ડમ અને લિંગ-સંતુલિત પસંદગી પ્રક્રિયા દ્વારા કરવામાં આવશે.
વર્ષ 2015 થી ઓનલાઈન અરજીથી લઈને યાત્રિકોની પસંદગી સુધીની સમગ્ર પ્રક્રિયા સંપૂર્ણપણે કોમ્પ્યુટરાઈઝ્ડ છે. તેથી, અરજદારોને માહિતી મેળવવા માટે પત્ર કે ફેક્સ મોકલવાની જરૂર નથી. વેબસાઈટ પર આપવામાં આવેલા ફીડબેક વિકલ્પોનો ઉપયોગ માહિતી મેળવવા, ટિપ્પણીઓ નોંધાવવા અથવા સુધારા માટે સૂચનો આપવા માટે કરી શકાય છે.