નવી દિલ્હી :કાઉન્સિલ ફોર ધ ઇન્ડિયન સ્કૂલ સર્ટિફિકેટ એક્ઝામિનેશન (CISCE) આવતીકાલે 30 એપ્રિલના રોજ ધોરણ 10 ICSE અને ધોરણ 12 ISC પરીક્ષાઓનું પરિણામ જાહેર કરશે. બોર્ડના ચીફ એક્ઝિક્યુટિવ જોસેફે આ વાતની પુષ્ટિ કરી છે. વિદ્યાર્થીઓ બોર્ડની સત્તાવાર વેબસાઇટની મુલાકાત લઈને પરિણામ ચકાસી શકે છે.

આ વર્ષે, ICSE એટલે કે ધોરણ 10 માં CISCE પરીક્ષા માટે 2 લાખ 53 હજાર વિદ્યાર્થીઓએ નોંધણી કરાવી હતી. તે જ સમયે, ફક્ત 1 લાખ વિદ્યાર્થીઓએ ISC એટલે કે 12મા ધોરણની પરીક્ષા આપી હતી. 10મા ધોરણની પરીક્ષા 21 ફેબ્રુઆરીથી 28 માર્ચ દરમિયાન લેવામાં આવી હતી જ્યારે 12મા ધોરણની પરીક્ષા 12 ફેબ્રુઆરીથી 3 એપ્રિલ દરમિયાન લેવામાં આવી હતી. વિદ્યાર્થીઓ છેલ્લા ઘણા દિવસોથી પરિણામની રાહ જોઈ રહ્યા હતા. પહેલા એવું માનવામાં આવતું હતું કે પરિણામ મે મહિનાના પહેલા અઠવાડિયામાં જાહેર થઈ શકે છે, પરંતુ હવે બોર્ડે 30 એપ્રિલે જ પરિણામ જાહેર કરવાની તૈયારીઓ કરી છે.

આ રીતે પરિણામ તપાસો: સૌપ્રથમ વિદ્યાર્થીઓ સત્તાવાર વેબસાઇટ cisce.org ની મુલાકાત લો.અહીં પરિણામ પર ક્લિક કરો ,આ પછી વિદ્યાર્થીઓએ ICSE/ISC પરીક્ષા પરિણામ 2025 પસંદ પડશે,એ પછી, રોલ નંબર અને કેપ્ચા દાખલ કરવાના રહેશે.પરીક્ષાનું પરિણામ સબમિટ કરતાની સાથે જ તમારી સામે આવી જશે.તમે તેને ડાઉનલોડ પણ કરી શકો છો.

2024 માં, ICSE એટલે કે ધોરણ 10 માં પાસ થનારા વિદ્યાર્થીઓની ટકાવારી 98.19 હતી. આમાં 98.92ટકા છોકરીઓ અને 97.53ટકા છોકરાઓ પાસ થયા હતા. અગાઉ 2023 માં, 96.93 ટકા વિદ્યાર્થીઓ પાસ થયા હતા, જેમાં 98.01 ટકા છોકરીઓ અને 95.96 ટકા છોકરાઓનો સમાવેશ થાય છે.