PF ગ્રાહકોના લઘુત્તમ પેન્શનમાં ત્રણ ગણો વધારો કરવાની તૈયારી
ખાનગી ક્ષેત્રમાં કામ કરતા કરોડો લોકો માટે સારા સમાચારઃ EPS હેઠળ લઘુત્તમ પેન્શન ત્રણ ગણું વધી શકે છેઃ હાલમાં, લઘુત્તમ પેન્શન ફક્ત ૧,૦૦૦ રૂપિયા છેઃસંસદીય સમિતિએ તેને રૂા.૭,૫૦૦ કરવાની ભલામણ કરી છે : ખાનગી ક્ષેત્રમાં કામ કરતા લોકો માટે, તેમના મૂળ પગારના ૧૨% EPF ખાતા માટે કાપવામાં આવે છે. ઉપરાંત, કંપની કર્મચારીના પીએફ ખાતામાં પણ એટલી જ રકમ જમા કરાવે છેઃ નોકરીદાતા દ્વારા જમા કરાયેલા નાણાંમાંથી ૮.૩૩% EPS માં જાય છે
નવી દિલ્હી તા.૩૦: ખાનગી ક્ષેત્રમાં કામ કરતા કરોડો લોકો માટે સારા સમાચાર છે. કેન્દ્ર સરકાર કર્મચારી પેન્શન યોજના (EPS) હેઠળ લઘુત્તમ પેન્શન ૧૦૦૦ રૂપિયાથી વધારીને ૩,૦૦૦ રૂપિયા કરવાની તૈયારી કરી રહી છે. આ વધારો આગામી થોડા મહિનામાં લાગુ થઈ શકે છે. આ માહિતી સરકારી સૂત્રો પાસેથી મળી છે. મની કંટ્રોલના એક અહેવાલ મુજબ, એક અધિકારીએ જણાવ્યું હતું કે અમે લઘુત્તમ પેન્શન રકમ વધારીને દર મહિને ૩,૦૦૦ રૂપિયા કરવા જઈ રહ્યા છીએ. વર્ષ ૨૦૧૪ માં, કેન્દ્ર સરકારે EPFO સબ્સ્ક્રાઇબર્સને આપવામાં આવતી લઘુત્તમ પેન્શન ૨૫૦ રૂપિયાથી વધારીને ૧,૦૦૦ રૂપિયા પ્રતિ માસ કરી હતી.
ખાનગી ક્ષેત્રમાં કામ કરતા લોકો માટે, તેમના મૂળ પગારના ૧૨્રુ ચ્ભ્જ્ ખાતા માટે કાપવામાં આવે છે. ઉપરાંત, કંપની કર્મચારીના પીએફ ખાતામાં પણ એટલી જ રકમ જમા કરાવે છે. નોકરીદાતા દ્વારા જમા કરાયેલા નાણાંમાંથી ૮.૩૩ ટકા EPS (કર્મચારીઓની પેન્શન યોજના) માં જાય છે, જ્યારે બાકીના ૩.૬૭ ટકા ચ્ભ્જ્ માં જાય છે. EPS માં જતા પૈસા નિવળત્તિ સમયે પેન્શન તરીકે મળે છે. વર્ષ ૨૦૨૦ માં, શ્રમ મંત્રાલયે EPS હેઠળ લઘુત્તમ પેન્શન વધારીને રૂ. ૨,૦૦૦ પ્રતિ માસ કરવાનો પ્રસ્તાવ નાણા મંત્રાલયને મોકલ્યો હતો પરંતુ તેને મંજૂરી મળી શકી ન હતી.
લઘુત્તમ પેન્શન વધારીને રૂા.૭,૫૦૦ કરવાની માંગ
તાજેતરમાં, એક સંસદીય સમિતિએ ખાનગી ક્ષેત્રમાં કામ કરતા લોકો માટે લઘુત્તમ પેન્શન રૂ. ૧,૦૦૦ થી વધારીને રૂ. ૭,૫૦૦ કરવાની ભલામણ કરી હતી. ટ્રેડ યુનિયનો અને પેન્શનરોના સંગઠનોની લાંબા સમયથી માંગ છે કે લઘુત્તમ પેન્શન વધારીને ઓછામાં ઓછા રૂ. ૭,૫૦૦ પ્રતિ માસ કરવામાં આવે. તેમનું કહેવું છે કે મોંઘવારી ઘણી વધી ગઈ છે, તેથી પેન્શનમાં પણ વધારો થવો જોઈએ. પરંતુ છેલ્લા ૧૧ વર્ષથી તેમાં કોઈ વધારો થયો નથી.
(10:53 AM IST)
છેલ્લા 8 દિવસમાં સૌથી લોકપ્રિય 
