૧૦,૦૦૦ની શરત જીતવા પાણી ભેળવ્યા વગર દારૂની પાંચ બોટલ પી ગયોઃ મળ્યું મોત
મિત્રો સામે થયો પોલીસ કેસ
બેંગ્લોર, તા.૧: કર્ણાટકના બેંગલુરુમાં, ૧૦,૦૦૦ રૂપિયાના દાવ માટે ૨૧ વર્ષીય યુવકે પોતાનો જીવ ગુમાવ્યો. NDTV ના સમાચાર અનુસાર, મળતક કાર્તિકે તેના મિત્રો સમક્ષ દાવો કર્યો હતો કે તે પાણીમાં ભેળવ્યા વિના પાંચ બોટલ દારૂ પી શકે છે. આવી સ્થિતિમાં, તેના મિત્રોએ તેને કહ્યું કે જો તે આ કરશે તો તેને ૧૦,૦૦૦ રૂપિયા મળશે. શરત મુજબ, કાર્તિકે પાણી ભેળવ્યા વિના પાંચ બોટલ દારૂ પીધો અને શરત જીતી ગયો, પરંતુ દારૂ પીધા પછી તરત જ તેની તબિયત બગડવા લાગી.
કાર્તિકને તાત્કાલિક હોસ્પિટલ લઈ જવામાં આવ્યો, પરંતુ તેનો જીવ બચાવી શકાયો નહીં. કાર્તિકના લગ્ન લગભગ એક વર્ષ પહેલા થયા હતા અને તે આઠ દિવસ પહેલા જ પિતા બન્યો હતો.
કાર્તિકે તેના મિત્રો વેંકટ રેડ્ડી, સુબ્રમણ્યમ અને અન્ય ત્રણ મિત્રોને કહ્યું હતું કે તે પાણી ભેળવ્યા વિના દારૂની પાંચ બોટલો પી શકે છે. આના પર વેંકટ રેડ્ડીએ કાર્તિકને કહ્યું કે જો તે આ કરી શકે તો તે તેને ૧૦,૦૦૦ રૂપિયા આપશે. કાર્તિકે પાંચ બોટલ પીધી, પણ થોડા સમય પછી તેની હાલત ગંભીર થઈ ગઈ. તેમને કોલાર જિલ્લાના મુલબાગલની એક હોસ્પિટલમાં દાખલ કરવામાં આવ્યા હતા. સારવાર દરમિયાન તેમનું મોત નીપજ્યું.
વેંકટ રેડ્ડી અને સુબ્રમણ્યમ સહિત છ લોકો વિરુદ્ધ નાંગલી પોલીસ સ્ટેશનમાં કેસ નોંધવામાં આવ્યો છે. બંનેની ધરપકડ કરવામાં આવી છે અને પોલીસ અન્ય આરોપીઓની શોધ કરી રહી છે. વિશ્વ આરોગ્ય સંસ્થા અનુસાર, દર વર્ષે આશરે ૨.૬ મિલિયન લોકો દારૂના સેવનથી મળત્યુ પામે છે, જે વૈશ્વિક મળત્યુના ૪.૭ ટકા છે.
વિશ્વ આરોગ્ય સંસ્થા અનુસાર, દારૂના સેવનનું કોઈ ‘સુરક્ષિત' સ્તર નથી. દારૂના સેવનના સુરક્ષિત સ્તરને ઓળખવા માટે, ચોક્કસ સ્તર સુધી અથવા નીચે દારૂ પીવો સ્વાસ્થ્ય માટે હાનિકારક નથી તે સાબિત કરવા માટે માન્ય વૈજ્ઞાનિક પુરાવાની જરૂર પડશે. વિશ્વ આરોગ્ય સંગઠનના નવા નિવેદનમાં સ્પષ્ટતા કરવામાં આવી છે કે દારૂના સેવનનો કોઈ નિર્ધારિત સ્તર નથી કે જેના પર કેન્સર અથવા અન્ય રોગો થવાનું શરૂ થાય.
(3:44 PM IST)
છેલ્લા 8 દિવસમાં સૌથી લોકપ્રિય 
