ન્યૂઝફર્સ્ટ : પાકિસ્તાન દ્વારા તેના હવાઈ ક્ષેત્રને બંધ કરી દેવાના કારણે એર ઈન્ડિયાની અનેક આંતરરાષ્ટ્રીય ફ્લાઈટ્સના રૂટમાં ફેરફાર કરવામાં આવ્યો છે. દિલ્હીથી ન્યુયોર્ક, નેવાર્ક, શિકાગો, વોશિંગ્ટન અને ટોરોન્ટો જતી ફ્લાઈટ્સ હવે વિયેના અને કોપનહેગન થઈને જશે. આ ઉપરાંત, મુંબઈથી ન્યુયોર્ક અને નેવાર્ક જતી ફ્લાઈટ્સને પણ આ જ રૂટ પર ડાયવર્ટ કરવામાં આવી છે.
શિકાગો અને વોશિંગ્ટનની ફ્લાઈટ્સ હવે દિલ્હી જશે, જ્યારે સાન ફ્રાન્સિસ્કો જતી ફ્લાઈટ્સ મુંબઈ, દિલ્હી અને બેંગ્લોર થઈને જશે. માત્ર ભારતીય રજિસ્ટર્ડ ફ્લાઈટ્સ જ નહીં, પરંતુ અનેક આંતરરાષ્ટ્રીય એરલાઈન્સે પણ પાકિસ્તાનના હવાઈ ક્ષેત્રને ટાળવાનું શરૂ કરી દીધું છે. આંતરરાષ્ટ્રીય એરલાઈન્સમાં એર ફ્રાન્સ, બ્રિટિશ એરવેઝ, સ્વિસ એર, લુફ્થાન્સા, આઈએટીએ એરવેઝ અને લોટ એરનો સમાવેશ થાય છે. પાકિસ્તાનના અચાનક હવાઈ ક્ષેત્ર બંધ કરવાના નિર્ણયથી આંતરરાષ્ટ્રીય હવાઈ મુસાફરી પર મોટી અસર પડી છે અને મુસાફરોને તેમના ગંતવ્ય સ્થાને પહોંચવામાં વધુ સમય લાગી શકે છે. એરલાઈન્સ દ્વારા મુસાફરોને તેમના ફ્લાઈટ શેડ્યૂલ અંગે અપડેટ રહેવા અને એરપોર્ટ જતા પહેલાં ફ્લાઈટની સ્થિતિ ચકાસવા સલાહ આપવામાં આવી છે.