News of Monday, 5th May 2025
મહિલાઓ વિરૂદ્ધના ગુનાઓમાં યુપી ટોચ પરઃ દિલ્હી મહારાષ્ટ્ર પણ ચિંતાજનક સ્થિતિ

આ વર્ષે અત્યાર સુધીમાં, રાષ્ટ્રીય મહિલા આયોગ (NCW) ને ૭૬૯૮ ફરિયાદો મળી છે, જેમાંથી મુખ્ય ફરિયાદો ઘરેલુ હિંસા, હુમલો અને ગુનાહિત ધમકીઓ છે. કમિશનના ડેટા અનુસાર, સૌથી વધુ ફરિયાદો, એટલે કે ૧,૫૯૪, ઘરેલુ હિંસા સંબંધિત હતી, જે કુલ ફરિયાદોના ૨૦% છે. છ મહિનામાં ૭૬૯૮ ફરિયાદો નોંધાઈ છે.
રાષ્ટ્રીય મહિલા આયોગ (NCW) ને આ વર્ષે અત્યાર સુધીમાં ૭,૬૯૮ ફરિયાદો મળી છે, જેમાં મુખ્ય ફરિયાદો ઘરેલુ હિંસા, હુમલો અને ગુનાહિત ધમકીઓ છે. કમિશનના ડેટા અનુસાર, સૌથી વધુ ફરિયાદો, એટલે કે ૧,૫૯૪, ઘરેલુ હિંસા સંબંધિત હતી, જે કુલ ફરિયાદોના ૨૦% છે.
છ મહિનામાં ૭૬૯૮ ફરિયાદો નોંધાઈ
આ પછી, ગુનાહિત ધમકીઓની ૯૮૯ ફરિયાદો અને હુમલાની ૯૫૦ ફરિયાદો નોંધાઈ હતી. અન્ય મુખ્ય કેસોમાં દહેજ ઉત્પીડન (૯૧૬), બળાત્કાર અને બળાત્કારનો પ્રયાસ (૩૯૪), છેડતી અને નમ્રતાનો ભંગ (૩૧૦), જાતીય સતામણી (૩૦૨), સાયબર ક્રાઇમ (૧૧૦) અને કાર્યસ્થળ પર જાતીય સતામણી અને પીછો કરવાનો સમાવેશ થાય છે. તે જ સમયે, એપ્રિલ ૨૦૨૫ માં મળેલી ફરિયાદોની સંખ્યા ૨,૧૨૩ પર પહોંચી, જે અત્યાર સુધીનો સૌથી વધુ માસિક આંકડો છે. નિષ્ણાતોના મતે, વધતી જતી જાગળતિ અને ફરિયાદો નોંધાવવાની સરળ પદ્ધતિઓ આ આંકડાઓમાં વધારાનું કારણ છે.
૫૦% થી વધુ ફરિયાદો યુપીમાંથી છે
ઉત્તર પ્રદેશઃ ૩,૯૨૧
દિલ્હીઃ ૬૮૮
મહારાષ્ટ્રઃ ૪૭૩
મધ્યપ્રદેશઃ ૩૫૧
બિહારઃ ૩૪૨
હરિયાણાઃ ૩૦૬
ઘરેલુ હિંસા, દહેજ ઉત્પીડન અને જાતીય ગુનાઓ વિશે કયાં અને કેવી રીતે ફરિયાદ કરવી
ભારતમાં ઘરેલુ હિંસા, દહેજ ઉત્પીડન અને મહિલાઓ સામેના જાતીય ગુનાઓ અંગે ફરિયાદ કરવા માટે ઘણા કાનૂની અને સંસ્થાકીય વિકલ્પો ઉપલબ્ધ છે. મુખ્ય માધ્યમો અને પ્રક્રિયાઓ નીચે મુજબ છે
૧ રાષ્ટ્રીય મહિલા આયોગ (NCW)
ઓનલાઈન ફરિયાદ કેવી રીતે કરવીઃ
વેબસાઇટની મુલાકાત લોઃ www.ncw.nic.in
‘‘ફરિયાદ નોંધાવો'' પર ક્લિક કરો.
ફોર્મ ભરો અને જરૂરી દસ્તાવેજો અપલોડ કરો.
OTP ચકાસણી પછી ફરિયાદ નોંધવામાં આવે છે.
ઇમેઇલ અને SMS દ્વારા અપડેટ્સ મેળવતા રહો
હેલ્પલાઇન નંબરઃ
૭૮૨૭-૧૭૦-૧૭૦ (વોટ્સએપ હેલ્પલાઇન)
૦૧૧-૨૬૯૪૨૩૬૯, ૨૬૯૪૪૭૫૪ (અઠવાડિયાના દિવસોમાં ફોન કરો)
૨ ૧૧૨ અને ૧૦૯૧ મહિલા હેલ્પલાઇન (રાજ્ય-સ્તર)
૧૦૯૧: મહિલા હેલ્પલાઇન નંબર, પોલીસ દ્વારા તાત્કાલિક સહાય
૧૧૨: ઇમરજન્સી રિસ્પોન્સ નંબર - પોલીસ, એમ્બ્યુલન્સ, ફાયર
૩ સ્થાનિક મહિલા થાણા / પોલીસ સ્ટેશન
તમે નજીકના મહિલા પોલીસ સ્ટેશનમાં જઈ શકો છો અને સીધી FIR નોંધાવી શકો છો.
આ કેસ ઘરેલુ હિંસા અધિનિયમ ૨૦૦૫, ભારતીય દંડ સંહિતાની કલમ ૪૯૮A (દહેજ માટે ઉત્પીડન), ૩૫૪ (છેડતી), ૩૭૬ (બળાત્કાર) હેઠળ ચલાવવામાં આવે છે.
૪ વન સ્ટોપ સેન્ટર (OSC)- સખી કેન્દ્ર
જિલ્લાઓમાં સ્થાપિત આ કેન્દ્રો પીડિત મહિલાઓને એક જ જગ્યાએ તબીબી, કાનૂની, કાઉન્સેલિંગ અને કામચલાઉ આશ્રય જેવી તમામ સુવિધાઓ પૂરી પાડે છે. OSC ની યાદીઃ WCD વેબસાઇટ તપાસો.
૫ રાજ્ય મહિલા આયોગ / જિલ્લા કાનૂની સેવા સત્તામંડળ (DLSA)
દરેક રાજ્યમાં એક રાજ્ય મહિલા આયોગ છે, જ્યાં લેખિત ફરિયાદો નોંધાવી શકાય છે.
DLSA ની મુલાકાત લઈને મફત કાનૂની સહાય મેળવી શકાય છે.
૬ મહિલા સંગઠનો/એનજીઓને મદદ
ઘણી બિન-સરકારી સંસ્થાઓ (એનજીઓ) મહિલાઓની સુરક્ષા માટે સક્રિય છે.
જેમ કે સેવા, જાગોરી, બ્રેકથ્રુ, શક્તિ શાલિની વગેરે.
ફરિયાદ કરતી વખતે ધ્યાનમાં રાખવા જેવી બાબતોઃ
ઘટનાની તારીખ, સ્થળ, નામ અને વિગતો સ્પષ્ટ રીતે લખો.
પુરાવા (સંદેશાઓ, ફોટા, તબીબી અહેવાલો, કોલ રેર્કોડિંગ્સ વગેરે) જોડો.
ફરિયાદની એક નકલ તમારી પાસે રાખો.
(10:59 AM IST)









છેલ્લા 8 દિવસમાં સૌથી લોકપ્રિય 
