‘ઓપરેશન સિંદુર'ને બોલીવુડની સલામી : સેલેબ્સે આપી જોશીલી પ્રતિક્રિયા
બોલીવૂડ સ્ટાર્સે એરસ્ટ્રાઇક બાદ કરી પોસ્ટ
નવી દિલ્હી, તા.૭: અમિતાભ બચ્ચન, અનુપમ ખેર અને રિતેશ દેશમુખ સહિત ઘણા બોલિવૂડ સેલેબ્સે સર્જિકલ સ્ટ્રાઈકને જોરદાર સલામ આપી હતી.
૨૨ એપ્રિલના રોજ પહેલગામમાં આતંકવાદી હુમલો થયો હતો જેમાં ઘણા નિર્દોષ લોકોએ જીવ ગુમાવ્યા હતા. હવે બદલામાં ભારતે ઓપરેશન સિંદૂર ચલાવીને પાકિસ્તાનમાં ૯ આતંકવાદી ઠેકાણાઓ પર બદલો લીધો છે. આ હુમલાને ઓપરેશન સિંદૂર નામ આપવામાં આવ્યું છે. આ અંગે બોલિવૂડ સ્ટાર્સની પ્રતિક્રિયાઓ પણ આવવા લાગી છે.
ભારતે ઓપરેશન સિંદૂર હેઠળ પાકિસ્તાન અને પીઓકેમાં આતંકવાદી ઠેકાણાઓ પર સચોટ મિસાઈલ હુમલા કર્યા હતા, જેની બોલીવુડ સ્ટાર્સે પ્રશંસા કરી છે. ભારતીય સેના અને વાયુસેનાએ ૯ આતંકવાદી ઠેકાણાઓને નિશાન બનાવ્યા હતા, જેને સેનાએ ‘ચોક્કસ, સંયમિત અને બિન-આક્રમક' કાર્યવાહી ગણાવી છે. રિતેશ દેશમુખ, રવિ કિશન અને ઘણા સેલેબ્સે આ પગલા પર સેનાને ટેકો આપ્યો છે.
૨૨ એપ્રિલ ૨૦૨૫ના રોજ પહેલગામમાં થયેલા આતંકવાદી હુમલામાં ૨૬ લોકોએ જીવ ગુમાવ્યા હતા. જવાબમાં, ભારતે ઓપરેશન સિંદૂર હેઠળ પાકિસ્તાનમાં પીઓકે અને બહાવલપુરમાં આતંકવાદી ઠેકાણાઓ પર સચોટ મિસાઈલ હુમલા કર્યા હતા. ભારતીય વાયુસેનાએ અનેક ઠેકાણાઓનો નાશ કર્યો. સંરક્ષણ મંત્રાલયની પુષ્ટિ પછી, અભિનેતા રિતેશ દેશમુખે X પર લખ્યું, ‘જય હિંદ કી સેના! ભારત માતા કી જય! #ઓપરેશનસિંદૂર.' તેમની પોસ્ટથી ચાહકોમાં ઉત્સાહ છવાઈ ગયો.
આ ઉપરાંત, અમિતાભ બચ્ચને પણ તેમના X એકાઉન્ટ પરથી એક રહસ્યમય પોસ્ટ કરી છે. જોકે, પોસ્ટમાંથી તેઓ શું કહેવાનો પ્રયાસ કરી રહ્યા છે તે કહેવું મુશ્કેલ છે. તેમણે આ પહેલા પણ પહેલગામ હુમલા દરમિયાન આવું કર્યું હતું. તેથી કહી શકાય કે આ પોસ્ટનો ઓપરેશન સિંદૂર સાથે કોઈ સંબંધ હોઈ શકે છે.
અનુપમ ખેરે પણ ભારતીય સેનાની પ્રશંસા કરી અને કહ્યું, ભારત માતા કી જય. અનુપમ ખેરે ઓપરેશન સિંદૂર હેઠળ ભારતીય સેનાની સર્જિકલ સ્ટ્રાઈકની પ્રશંસા કરી છે. ૭ મે ૨૦૨૫ ના રોજ X પર પોસ્ટ કરતા તેમણે લખ્યું, ‘ભારત માતા કી જય! #ઓપરેશનસિંદૂર.' આ કાર્યવાહી ૨૨ એપ્રિલના પહેલગામ હુમલાનો જવાબ હતો, જેમાં ૨૬ લોકો માર્યા ગયા હતા. અનુપમની પોસ્ટથી ચાહકોમાં દેશભક્તિનો ઉત્સાહ જાગ્યો.
ઓપરેશન સિંદૂર હેઠળ ભારતની સર્જિકલ સ્ટ્રાઈકે આતંકવાદીઓના ઠેકાણાઓનો નાશ કર્યો છે. રવિ કિશને X પર સેનાના સમર્થનમાં એક ઉત્સાહી પોસ્ટ શેર કરી. ફિલ્મ નિર્માતા મધુર ભંડારકરે સવારે ૫ વાગ્યે X પર લખ્યું, ‘અમારી પ્રાર્થના સેના સાથે છે. એક રાષ્ટ્ર, એકતા. જય હિન્દ, વંદે માતરમ.' તેમની પોસ્ટ ચાહકોની પ્રતિક્રિયાઓથી છલકાઈ ગઈ.
અભિનેત્રી નિમરત કૌરે ઇન્સ્ટાગ્રામ પર લખ્યું, ‘સેના સાથે એકતા. એક દેશ, એક મિશન. જય હિન્દ. #ઓપરેશન સિંદૂર.'સ્ટાર્સની આ પોસ્ટ્સે દેશભક્તિની લહેર ઉભી કરી છે.
(11:00 AM IST)
છેલ્લા 8 દિવસમાં સૌથી લોકપ્રિય 
