તા. ૨ જાન્યુઆરી ર૦ર૬ વિક્રમ સંવત ર૦૮૨ પોષ સુદ – ૧૪ શુક્રવાર
મિશન સંકલ્પ : છત્તીસગઢમાં ૧૮ નકસલીઓ ઠાર
આતંકવાદની સાથે નકસલવાદ પર પ્રહાર : સર્ચ ઓપરેશન શરૂ : પર્વતીય વિસ્તારોમાં ૧૦૦૦ નકસલીઓ ઘેરાયા
નવી દિલ્હી, તા.૭: છત્તીસગઢના બીજાપુર જિલ્લામાં ચાલી રહેલા નક્સલ વિરોધી ઓપરેશનમાં સુરક્ષા દળોએ ૧૫ થી વધુ નક્સલીઓને ઠાર માર્યા. પોલીસ અધિકારીઓએ જણાવ્યું હતું કે ‘મિશન સંકલ્પ' નામનું ઓપરેશન ૨૧ એપ્રિલે જિલ્લાના કરેગુટ્ટા અને છત્તીસગઢ-તેલંગાણા સરહદ પર સ્થિત ટેકરીઓમાં શરૂ કરવામાં આવ્યું હતું, જેમાં લગભગ ૨૪ હજાર સૈનિકો સામેલ છે. ઓપરેશનની સમીક્ષા કરતા એક વરિષ્ઠ પોલીસ અધિકારીએ જણાવ્યું હતું કે, સર્ચ ઓપરેશન ચાલી રહયું છે અને આગામી થોડા કલાકોમાં વધુ માહિતી આપવામાં આવશે. મળતી માહિતી મુજબ, ટેકરીઓ પર હજાર નક્સલીઓને ઘેરી લેવામાં આવ્યા છે.પર્વતીય વિસ્તારોમાં અંદાજે ૧૦૦૦થી વધુ આતંકીઓનો ઘેરાવો કરવામાં આવ્યો છે.
આવી સ્થિતિમાં, એક તરફ ઓપરેશન સિંદૂર દ્વારા પાકિસ્તાનમાં આતંકવાદી ઠેકાણાઓનો નાશ કરવામાં આવ્યો છે, તો બીજી તરફ, દેશની અંદર છુપાયેલા દુશ્મનોને ઓપરેશન સંકલ્પ દ્વારા નિશાન બનાવવામાં આવી રહયા છે. ઓપરેશન સંકલ્પ વિશે માહિતી આપતા અધિકારીએ જણાવ્યું હતું કે ઓપરેશન હેઠળ, આજે સુરક્ષા દળો અને નક્સલીઓ વચ્ચે એક્રાઉન્ટર થયું હતું જેમાં ૧૫ થી વધુ નક્સલીઓ માર્યા ગયા હતા. પોલીસ અધિકારીઓના જણાવ્યા અનુસાર, સોમવારે અગાઉ સુરક્ષા દળોએ એક ગણવેશધારી મહિલા નક્સલીને મારી નાખી હતી અને સ્થળ પરથી હથિયારો અને અન્ય વસ્તુઓ જપ્ત કરી હતી. ૨૪ એપ્રિલના રોજ, ત્રણ મહિલા નક્સલીઓના મૃતદેહ મળી આવ્યા હતા. અધિકારીઓએ જણાવ્યું હતું કે બીજાપુર જિલ્લાના દક્ષિણપશ્ચિમ સરહદી વિસ્તારના જંગલમાં નક્સલીઓની હાજરીની માહિતી મળ્યા બાદ સુરક્ષા દળના કર્મચારીઓને નક્સલ વિરોધી કાર્યવાહી પર મોકલવામાં આવ્યા હતા. તેમણે કહયું કે બસ્તર ક્ષેત્રમાં શરૂ કરાયેલા સૌથી મોટા નક્સલ વિરોધી કાર્યવાહીમાંના એક, આ કાર્યવાહીમાં જિલ્લા રિઝર્વ ગાર્ડ, બસ્તર ફાઇટર્સ અને છત્તીસગઢ પોલીસના STF, સેન્ટ્રલ રિઝર્વ પોલીસ ફોર્સ અને કમાન્ડો બટાલિયન ફોર રિઝોલ્યુટ એક્શન (કોબ્રા) સહિત વિવિધ એકમોના કર્મચારીઓનો સમાવેશ થાય છે.
અધિકારીઓએ જણાવ્યું હતું કે આ કામગીરી બીજાપુર (છત્તીસગઢ) અને આંતરરાજ્ય સરહદ પર મુલુગુ અને ભદ્રાદ્રી-કોઠાગુડેમ (તેલંગાણા) ની બંને બાજુએ લગભગ આઠસો ચોરસ કિલોમીટરના વિસ્તારમાં ફેલાયેલા દુર્ગમ ભૂપ્રદેશ અને ગાઢ જંગલમાં ચાલી રહી છે. આ સ્થળ રાજધાની રાયપુરથી ૪૫૦ કિલોમીટર દૂર છે.
(2:05 PM IST)
છેલ્લા 8 દિવસમાં સૌથી લોકપ્રિય 
