લાહોર : પાકિસ્તાનના પંજાબ પ્રાંતના ઓકારા શહેરમાં અફરાતફરીનો માહોલ સર્જાયો છે. એવા અહેવાલો સામે આવી રહ્યા છે કે ભારતીય ડ્રોને અહીં એક ઇમારતને નિશાન બનાવ્યું છે.
મધરાત્રિના સમયે સિવિલ ડિફેન્સના કર્મચારીઓ એમ્બ્યુલન્સ સાથે રસ્તાઓ પર જોવા મળ્યા હતા, જે આ ઘટનાની ગંભીરતા સૂચવે છે. જો કે, હજુ સુધી આ હુમલામાં જાનહાનિ કે અન્ય નુકસાન અંગે કોઈ સત્તાવાર માહિતી પ્રાપ્ત થઈ નથી. સ્થાનિક સૂત્રો દ્વારા આ ઘટનાની તપાસ ચાલી રહી છે.