ગુગલ તમારો ડેટા ‘ગુપ્ત રીતે' ચોરી રહ્યું હતું: હવે ૧૧૭૪૦ કરોડ રૂપિયાનો દંડ
કંપની યુઝર્સની પરવાનગી વિના ગુપ્ત રીતે ડેટાનો ઉપયોગ કરી રહી હતી આ મામલો પ્રકાશમાં આવ્યા પછી ગોપનીયતા અંગે ઘણા મોટા પ્રશ્નો ઉભા થવા લાગ્યા છે
ટેક્સાસ તા.૧૨: લોકો માને છે કે તેમનો ડેટા વિશ્વ વિખ્યાત કંપની ગુગલ પાસે સુરક્ષિત છે, પરંતુ શું ખરેખર આવું છે કે મામલો કંઈક બીજું છે? ગૂગલ દ્વારા વપરાશકર્તાઓને ઘણી બધી એપ્સ અને સેવાઓ ઓફર કરવામાં આવે છે, પરંતુ તમને એ જાણીને આઘાત લાગશે કે કંપની તમારી પરવાનગી વિના તમારા ડેટા અને સ્થાનને ટ્રેક કરે છે. આ વાત પ્રકાશમાં આવ્યા પછી, વપરાશકર્તાઓ માટે ગોપનીયતા અંગે ચિંતા થવી સ્વાભાવિક છે.
ગુગલને ભારે દંડ
અમેરિકામાં, ટેક્સાસ રાજ્યે ગુગલ પર દાવો કર્યો હતો કે કંપની ગુપ્ત રીતે યુઝર્સનો ડેટા એકત્રિત કરી રહી છે. આ કેસની સુનાવણી કરતી વખતે, કોર્ટે હવે ગુગલ પર મોટો દંડ ફટકાર્યો છે. મીડિયા રિપોર્ટ્સ અનુસાર, ગૂગલે ૧૧,૭૪૦ કરોડ રૂપિયા (લગભગ ૧.૩૭૫ અબજ ડોલર) ચૂકવવા સંમતિ આપી છે. કંપની પર આ દંડ એટલા માટે લગાવવામાં આવ્યો છે કારણ કે કંપની લોકોની અંગત માહિતીનો ખોટી રીતે ઉપયોગ કરી રહી હતી.
ગુગલ પર કોણે દાવો કર્યો?
આ દાવો સૌપ્રથમ ૨૦૨૨ માં ટેક્સાસના એટર્ની જનરલ કેન પેક્સટન દ્વારા દાખલ કરવામાં આવ્યો હતો, જેમાં આરોપ મૂકવામાં આવ્યો હતો કે કંપની પરવાનગી વિના સ્થાન ડેટા, છુપા મોડમાં ખાનગી બ્રાઉઝિંગ ઇતિહાસ અને ચહેરાના બાયોમેટ્રિક વિગતો જેવી વ્યક્તિગત માહિતી એકત્રિત કરી રહી છે. ગોપનીયતા કાયદાના ઉલ્લંઘન બદલ ગુગલ દ્વારા ચૂકવવામાં આવેલી આ એક મોટી રકમ છે.
આ પહેલી વાર નથી બન્યું
આ પહેલી વાર નથી જ્યારે ટેક્સાસે આટલી મોટી કાર્યવાહી કરી હોય, તમને યાદ અપાવી દઈએ કે અગાઉ મેટા કંપનીને ઇન્સ્ટાગ્રામ અને ફેસબુક પર ચહેરાની ઓળખ ડેટાનો ઉપયોગ કરવા બદલ $૧.૪ બિલિયન (લગભગ રૂ. ૧૧૯૮૦ કરોડ)નો દંડ ફટકારવામાં આવ્યો હતો. ગુગલને અન્યાયી વ્યવસાયિક પ્રથાઓ માટે એક અલગ કેસમાં રૂ. ૫,૯૮૦ કરોડનો દંડ પણ ફટકારવામાં આવ્યો હતો
(12:08 PM IST)
છેલ્લા 8 દિવસમાં સૌથી લોકપ્રિય 
