ન્યૂયોર્ક : યુએસ અને ચીન વચ્ચે ટેરિફને લઈને થયેલી વાતચીત બાદ અમેરિકાએ ટેરિફમાં ઘટાડો કરવાની જાહેરાત કરી છે, જેના પગલે યુએસ શેરબજારમાં તેજી જોવા મળી રહી છે. વોલ સ્ટ્રીટ પર ડાઉ ફ્યુચર્સમાં ૯૦૦ પોઇન્ટનો ઉછાળો નોંધાયો છે. એસએન્ડપી ૫૦૦ ફ્યુચર્સ ૧૫૦ પોઇન્ટ અને નેસડેક ફ્યુચર્સ ૬૫૦ પોઇન્ટ ઉપર છે.
બંને દેશો દ્વારા જાહેર કરાયેલા સંયુક્ત નિવેદન અનુસાર, અમેરિકા ચીની માલ પરનો ટેરિફ ૧૪૫% થી ઘટાડીને ૯૦ દિવસના સમયગાળા માટે ૩૦% કરશે. ચીને પણ જાહેરાત કરી છે કે તે યુએસ માલ પરનો ટેરિફ ૯૦ દિવસના સમયગાળા માટે ૧૨૫% થી ઘટાડીને ૧૦% કરશે. આ જાહેરાતો બાદ ક્રૂડ ઓઇલના ભાવમાં તીવ્ર વધારો જોવા મળ્યો છે, જેમાં બ્રેન્ટ ક્રૂડ ૬૫ ડોલર પ્રતિ બેરલને વટાવી ગયું છે. સોનાના ભાવમાં ઘટાડો થયો છે અને તે ૩,૩૦૦ ડોલર પ્રતિ ઔંસથી નીચે આવી ગયો છે. યુએસ ૧૦-વર્ષ બોન્ડ યીલ્ડ એક મહિનામાં સૌથી ઊંચા સ્તરે પહોંચી ગયું છે, જે હવે ૪.૪૩% છે.