એન્જિનિયરને હેર ટ્રાન્સપ્લાન્ટ ભારે પડ્યું: ડોક્ટરની ભૂલથી થયું મોત
કાનપુરમાં હેર ટ્રાન્સપ્લાન્ટ દરમિયાન ભૂલના કારણે ૩૭ વર્ષીય આસિસ્ટન્ટ એન્જિનિયરને જીવ ગુમાવવો પડ્યો
કાનપુર તા.૧૨: હાલના સ્ટ્રેસ ભરેલી લાઈફસ્ટાઈલના કારણે નાની ઉંમરે લોકોને ઘણી સ્વાસ્થ્ય સમસ્યાઓનો સામનો કરવો પડે છે. જેમા વાળ ખરવાની સમસ્યા પણ સામેલ છે. જ્યારે વારાસગત કારણોને લીધે પણ નાની ઉંમરે લોકોના વાળ ખરી જતાં હોય છે. પરંતુ હાલમાં ટેક્રોલોજીના કારણે હેર ટ્રાન્સપ્લાન્ટનું ચલણ વધ્યું છે. જોકે, કાનપુરમાં હેર ટ્રાન્સપ્લાન્ટ દરમિયાન ભૂલના કારણે ૩૭ વર્ષીય આસિસ્ટન્ટ એન્જિનિયરને જીવ ગુમાવવો પડ્યો છે. પોલીસે જણાવ્યું હતું કે, આ એન્જિનિયર પાંકી પાવર પ્લાન્ટમાં કામ કરતો હતો અને તેણે હેર ટ્રાન્સપ્લાન્ટ કરાવવા માટે સર્જરી કરાવી હતી પરંતુ સર્જરીમાં થયેલી ભૂલના કારણે તેનું મોત થયું છે.
વિનીતે જ્યારે હેર ટ્રાન્સપ્લાન્ટની સર્જરી કરાવી ત્યારબાદ તેમને ઈન્ફેક્શન થયું હતું અને તેના કારણે તેમની તબીયત બગડવા લાગી હતી, અને તેમના ચહેરા પર સોજા આવી ગયા હતા. તેમને સમસ્યા વધી જતાં તેઓ બે વખત ડોક્ટર પાસે ગયા હતા પરંતુ તેમાં કોઈ સુધારો થયો ન હતો. બીજી તરફ આ અંગે તેમના પરિવારને પણ કંઈ ખબર ન હતી. તેમની સારવાર માટે તેમને હોસ્પિટલમાં પણ દાખલ કરવામાં આવ્યા હતા પરંતુ તેનાથી પણ કોઈ ફેર પડ્યો ન હતો અને બાદમાં તેમણે અંતિમ શ્વાસ લીધા હતા.
આ ઘટના માર્ચ મહિનામાં બની હતી પરંતુ મળતકના પત્નીએ પોલીસ ફરિયાદ નોંધાવ્યા બાદ તે ચર્ચામાં આવી છે. ફરિયાદ નોંધાવ્યા બાદ રાવતપુર પોલીસ સ્ટેશને શનિવારે ડોક્ટર સામે જ્ત્ય્ નોંધી છે. ગોરખપુરના વિનીત કુમાર દુબે પાંખી પાવર પ્લાન્ટમાં આસિસ્ટન્ટ એજન્જિનિયર હતા અને તે ઓફિસર્સ કોલોનીમાં પોતાની પત્ની અને બે બાળકો સાથે રહેતા હતા. માર્ચ ૧૧ના રોજ તેમના પત્ની બાળકો સાથે ગોન્ડા ખાતે પોતાના પારિવારિક ઘરે ગયા હતા. જ્યારે માર્ચ ૧૩ના રોજ વિનીત હેર ટ્રાન્સપ્લાન્ટ માટે કલ્યાણપુરમાં એક MBBS ડોક્ટરની ક્લિનિકે ગયા હતા.
મળતકના પત્ની જયા ત્રિપાઠીના જણાવ્યા પ્રમાણે તેમને માર્ચ ૧૪ના રોજ સવારે એક અજાણ્યા નંબરથી કોલ આવ્યો હતો. કોલ કરનારા વ્યક્તિએ જણાવ્યું હતું કે, વિનીતના મોઢા પર સોજો આવી ગયો છે અને તેમને હોસ્પિટલ લઈ જવામાં આવ્યા છે. આટલું કહ્યા બાદ કોલ કટ થઈ ગયો હતો. જયાએ ફરીથી તે નંબર પર કોલ કરવાના પ્રયાસ કર્યા હતા પરંતુ તે ફોન સ્વિચ ઓફ આવતો હતો. સવારે ૧૧ વાગ્યાની આસપાસ તેણે હેર ટ્રાન્સપ્લાન્ટ ડોક્ટરને કોન્ટેક્ટ કરવાનો પ્રયાસ કર્યો હતો પરંતુ તેમનો ફોન પણ સ્વિચ ઓફ આવતો હતો.
કોઈ પણ રીતે પતિનો કોન્ટેક્ટ થઈ શકતો ન હોવાના કારણે ગભરાયેલી તેમની પત્ની જયાએ કાનપુરમાં રહેતા તેમના એક કાકાને કોલ કરીને હોસ્પિટલ જઈને વિનીત વિશે તપાસ કરવાનું કહ્યું હતું. જોકે, વિનીતની તબીયત વધારે લથડી હતી જેના કારણે તેમને રીજેન્સી હોસ્પિટલ લઈ જવામાં આવ્યા હતા પરંતુ માર્ચ ૧૫ના રોજ તેમનું નિધન થયું હતું.
મેડિકલ એક્સપર્ટ્સનું કહેવું છે કે હેર ટ્રાન્સપ્લાન્ટ અત્યંત કોમ્પલેક્સ પ્રક્રિયા છે અને તેને કોઈ પણ ડોક્ટર પાસે કરાવવી જોઈએ નહીં. હેર ટ્રાન્સપ્લાન્ટ હંમેશા સર્ટિફાઈડ અને અનુભવી ડોક્ટર પાસે જ કરાવવું જોઈએ. કોઈ પણ જાતાના યોગ્ય ટેસ્ટ અને સાવચેતી રાખ્યા વગર દર્દીઓને ગંભીર સાઈડ ઈફેક્ટ પણ થઈ શકે છે, જેમાં ઈન્ફેક્શન, વધારે પડતું બ્લીડિંગ, સોજા જેવી સાઈડ ઈફેક્ટ સામેલ છે. જો યોગ્ય ધ્યાન રાખવામાં ન આવે તો વ્યક્તિનું મોત પણ થઈ શકે છે.
પોતાના પતિના મોતથી ભાંગી પડેલી જયાએ બાદમાં રાવતપુર પોલીસ સ્ટેશનમાં ડોક્ટર સામે ફરિયાદ નોંધાવી હતી. ફરિયાદમાં ડોક્ટરની ભૂલના કારણે વિનીતનું મોત થયું હોવાનું કહેવામાં આવ્યું હતું. પોલીસે BNSની સેક્શન ૧૦૬(૧) અંતર્ગત આરોપી ડોક્ટર સામે ફરિયાદ નોંધી હતી. કલ્યાણપુરના ACP અભિષેક કુમાર પાંડેએ જણાવ્યું હતું કે, હેર ટ્રાન્સપ્લાન્ટ માટે વિનીતને જે લોકોએ ડોક્ટરની ભલામણ કરી હતી તે તમામ લોકોના નિવેદન નોંધવામાં આવ્યા છે. પોલીસે ડોક્ટરને સમન્સ પાઠવ્યું છે પરંતુ હજી સુધી તે પોલીસ સમક્ષ હાજર થયા નથી. જોકે, પોલીસ હાલમાં આ કેસની તપાસ કરી રહી છે.(૩૮.૨૮)
(3:55 PM IST)
છેલ્લા 8 દિવસમાં સૌથી લોકપ્રિય 
