પાકિસ્તાનમાં ૪.૬ની તીવ્રતાનો ભૂકંપ
નવી દિલ્હી, તા.૧૨: સોમવારે બપોરે પાડોશી દેશ પાકિસ્તાનમાં ભૂકંપના આંચકા અનુભવાયા હતા. ભૂકંપને કારણે કોઈ જાનમાલના નુકસાનના સમાચાર નથી.
નેશનલ સેન્ટર ફોર સિસ્મોલોજી (NCS) અનુસાર, ભૂકંપનું કેન્દ્ર પાકિસ્તાનમાં ૨૯.૧૨ ડિગ્રી ઉત્તર અક્ષાંશ અને ૬૭.૨૬ ડિગ્રી પૂર્વ રેખાંશ પર ૧૦ કિલોમીટરની ઊંડાઈએ નોંધાયું હતું.
આ પહેલા પાકિસ્તાનમાં ૫ અને ૧૦ મેના રોજ પણ ભૂકંપના આંચકા અનુભવાયા હતા. છેલ્લા એક અઠવાડિયામાં આ ત્રીજો ભૂકંપ છે.
પળથ્વીની અંદર સાત ટેક્ટોનિક પ્લેટો છે. આ પ્લેટો સતત ફરતી રહે છે. જ્યારે આ પ્લેટો એકબીજા સાથે અથડાય છે, ત્યારે તેઓ એકબીજા સામે ઘસાય છે. જ્યારે તેઓ એકબીજા ઉપર ચઢે છે અથવા એકબીજાથી દૂર જાય છે, ત્યારે જમીન ધ્રુજવા લાગે છે. આને ભૂકંપ કહેવાય છે. ભૂકંપ માપવા માટે રિક્ટર સ્કેલનો ઉપયોગ થાય છે. જેને રિક્ટર મેગ્નિટયુડ સ્કેલ કહેવામાં આવે છે.
રિક્ટર મેગ્નિટયુડ સ્કેલ ૧ થી ૯ સુધીનો હોય છે. ભૂકંપની તીવ્રતા તેના કેન્દ્ર એટલે કે એપીસેન્ટરથી માપવામાં આવે છે. એનો અર્થ એ કે તે કેન્દ્રમાંથી નીકળતી ઊર્જા આ સ્કેલ પર માપવામાં આવે છે. ૧ નો અર્થ એ છે કે ઓછી તીવ્રતાવાળી ઉર્જા મુક્ત થઈ રહી છે. ૯ એટલે મહત્તમ. ખૂબ જ ભયાનક અને વિનાશક મોજું. તેઓ દૂર જતા નબળા પડે છે. જો રિક્ટર સ્કેલ પર તીવ્રતા ૭ હોય, તો ૪૦ કિલોમીટરની ત્રિજ્યામાં એક જોરદાર ધ્રુજારી આવે છે.
(4:10 PM IST)
છેલ્લા 8 દિવસમાં સૌથી લોકપ્રિય 
