પૂ઼છડી પટપટાવી સીઝફાયરની ભીખ માંગવા દોડી ગયું હતું પાકિસ્તાન
અમેરિકાના પૂર્વ સંરક્ષણ અધિકારીએ ‘‘આતંકીસ્તાન''ની પોલ ખોલી : ૪ દિ'ના યુધ્ધના પાકિસ્તાનની હાલત ડરેલા કુતરા જેવી થઈ હતી જે પૂછડી દબાવી યુધ્ધ વિરામની ભીખ માંગવા દોડયું હતું
નવી દિલ્હી,તા.૧૫: અમેરિકન પેન્ટાગોનના ભૂતપૂર્વ અધિકારી અને અમેરિકન એન્ટરપ્રાઇઝ ઇન્સ્ટિટયૂટના સિનિયર ફેલો માઈકલ રુબિને કહ્યું છે કે ઓપરેશન સિંદૂર હેઠળ ભારતની સર્જિકલ સ્ટ્રાઈક પછી પાકિસ્તાનને રાજદ્વારી અને લશ્કરી મોરચે કારમી હારનો સામનો કરવો પડ્યો છે. ANI ને આપેલા ઇન્ટરવ્યુમાં, તેમણે પાકિસ્તાનની ભૂમિકાની આકરી ટીકા કરી અને ભારત દ્વારા કરવામાં આવેલી લશ્કરી કાર્યવાહીની પ્રશંસા કરી.
રુબિને કહ્યું કે પહેલગામ આતંકવાદી હુમલા પછી ભારતે જે રીતે ત્વરિત અને સચોટ રીતે આતંકવાદી ઠેકાણાઓ પર હુમલો કર્યો તેનાથી વિશ્વનું ધ્યાન પાકિસ્તાનના આતંકવાદી નેટવર્ક તરફ ગયું અને ફરી એકવાર પાકિસ્તાનના જુઠ્ઠાણાનો પર્દાફાશ થયો.
રૂબિને કહ્યું, ભારતે આ સંઘર્ષમાં પાકિસ્તાનને લશ્કરી અને રાજદ્વારી બંને સ્તરે હરાવ્યું. ભારતની રાજદ્વારી જીતનું સૌથી મોટું કારણ એ છે કે હવે તમામ વૈશ્વિક નજરો પાકિસ્તાનના આતંકવાદને સમર્થન પર કેન્દ્રિત છે.
તેમણે કહ્યું કે ૭ મેના રોજ ભારતે ઓપરેશન સિંદૂર હેઠળ પાકિસ્તાન અને પાકિસ્તાન અધિકળત જમ્મુ અને કાશ્મીર (PoJK) માં આતંકવાદી છાવણીઓ પર સર્જિકલ સ્ટ્રાઈક કરી હતી, જેમાં ૧૦૦ થી વધુ આતંકવાદીઓ માર્યા ગયા હતા. આ પછી પાકિસ્તાને પણ જવાબી કાર્યવાહી કરવાનો પ્રયાસ કર્યો, પરંતુ ભારતે માત્ર તેનો જવાબ આપ્યો જ નહીં પરંતુ ઘણા પાકિસ્તાની લશ્કરી ઠેકાણાઓ અને એરબેઝને પણ નિશાન બનાવ્યા.
રૂબિને કહ્યું, આ ઓપરેશનથી પાકિસ્તાની સેના અને આતંકવાદીઓ વચ્ચેના સંબંધોનો ખુલાસો આખી દુનિયા સમક્ષ થયો. જ્યારે પાકિસ્તાની સૈન્ય અધિકારીઓ યુનિફોર્મ પહેરીને આતંકવાદીઓની અંતિમયાત્રામાં જોડાય છે, ત્યારે આતંકવાદી અને સૈનિક વચ્ચેનો તફાવત અદૃશ્ય થઈ જાય છે.
તેમણે એક કઠોર ટિપ્પણીમાં કહ્યું, ચાર દિવસના આ યુદ્ધમાં, પાકિસ્તાનની હાલત એક ડરેલા કૂતરા જેવી થઈ ગઈ હતી જે યુદ્ધવિરામની ભીખ માંગવા માટે પગ વચ્ચે પૂંછડી રાખીને દોડતો હતો. પાકિસ્તાન હવે આ હાર કોઈપણ રીતે છુપાવી શકે નહીં. તેણે હાર ખરાબ રીતે સ્વીકારી લીધી છે.
ભારતે માત્ર બચાવ જ નહીં પણ જવાબ પણ આપ્યો
રુબિને એ પણ સ્પષ્ટતા કરી કે આ યુદ્ધ ભારત દ્વારા શરૂ કરવામાં આવ્યું ન હતું પરંતુ તેના પર લાદવામાં આવ્યું હતું. તેમણે કહ્યું, દરેક દેશને પોતાના નાગરિકોનું રક્ષણ કરવાનો અધિકાર છે. ભારતે ફક્ત બદલો લીધો, જે સંપૂર્ણપણે વાજબી હતો. ભારતે સ્પષ્ટ સંદેશ આપવો જોઈએ કે તે સરહદ પારથી થતા આતંકવાદી હુમલાઓને કયારેય સહન કરશે નહીં.
ટ્રમ્પ પર કટાક્ષ
રૂબિને એમ પણ કહ્યું કે ભારત-પાકિસ્તાન સંઘર્ષ દરમિયાન અમેરિકા ઘણીવાર પડદા પાછળ રાજદ્વારી પ્રયાસો કરે છે જેથી તણાવ પરમાણુ ઉગ્રતા સુધી ન પહોંચે. જોકે, તેમણે ભૂતપૂર્વ યુએસ રાષ્ટ્રપતિ ડોનાલ્ડ ટ્રમ્પના મધ્યસ્થીના દાવાઓ પર કટાક્ષ કર્યો અને કહ્યું, જો તમે ટ્રમ્પને પૂછો, તો તે કહેશે કે તેણે એકલા હાથે વર્લ્ડ કપ જીત્યો, ઇન્ટરનેટની શોધ કરી અને કેન્સરનો પણ ઇલાજ કર્યો!(૪૦.૧૩)
(9:37 AM IST)
છેલ્લા 8 દિવસમાં સૌથી લોકપ્રિય 
