News of Friday, 16th May 2025
પહેલીવાર માસિક રોજગાર સર્વેઃ શહેરોમાં પુરુષો અનેસ્ત્રીઓનો બેરોજગારી દર વધુ
એપ્રિલ ૨૦૨૫ દરમિયાન તમામ વય જૂથોના વ્યક્તિઓ માટે બેરોજગારી દર ૫.૧%હતો. પુરુષોમાં બેરોજગારીનો દર ૫.૨ ટકા હતો, જ્યારેસ્ત્રીઓમાં તે પાંચ ટકા હતો

દેશમાં બેરોજગારીનો દર જે પ્રથમ વખત માસિક ધોરણે માપવામાં આવ્યો હતો, તે આ વર્ષે એપ્રિલમાં ૫.૧ ટકા હતો. ગુરુવારે જાહેર કરાયેલા સરકારી આંકડામાં આ માહિતી આપવામાં આવી છે. આંકડા અને કાર્યક્રમ અમલીકરણ મંત્રાલયે દેશમાં નોકરી માટે લાયક બેરોજગાર લોકોના ગુણોત્તરને વાસ્તવિક સમયમાં મોનિટર કરવાના પ્રયાસોના ભાગ રૂપે પ્રથમ માસિક સામયિક શ્રમ બળ સર્વે બહાર પાડ્યો. અત્યાર સુધી શ્રમ બળ સર્વે ફક્ત ત્રિમાસિક અને વાર્ષિક ધોરણે જ બહાર પાડવામાં આવતો હતો.
વર્તમાન સાપ્તાહિક સ્થિતિમાં એકત્રિત કરવામાં આવેલા તાજેતરના ડેટા દર્શાવે છે કે એપ્રિલ, ૨૦૨૫ દરમિયાન તમામ વય જૂથોના વ્યક્તિઓ માટે બેરોજગારી દર ૫.૧ ટકા હતો. પુરુષોમાં બેરોજગારીનો દર ૫.૨ ટકા હતો, જ્યારેસ્ત્રીઓમાં તે પાંચ ટકા હતો. આ સમયગાળા દરમિયાન, દેશભરમાં ૧૫-૨૯ વર્ષની વય જૂથના લોકોમાં બેરોજગારીનો દર ૧૩.૮ ટકા હતો. શહેરી વિસ્તારોમાં બેરોજગારીનો દર ૧૭.૨ ટકા હતો, જ્યારે ગ્રામીણ વિસ્તારોમાં તે ૧૨.૩ ટકા હતો. CWS એ સર્વેક્ષણ તારીખ પહેલાના સાત દિવસોમાં નક્કી કરાયેલ પ્રવળત્તિની સ્થિતિનો ઉલ્લેખ કરે છે.
એપ્રિલ, ૨૦૨૫ દરમિયાન દેશભરમાં કુલ ૭,૫૧૧ પ્રથમ તબક્કાના નમૂના એકમોનો સર્વે કરવામાં આવ્યો છે. સર્વેક્ષણમાં આવરી લેવામાં આવેલા ઘરોની સંખ્યા ૮૯,૪૩૪ હતી (ગ્રામીણ વિસ્તારોમાં ૪૯,૩૨૩ અને શહેરી વિસ્તારોમાં ૪૦,૧૧૧) જ્યારે સર્વેક્ષણ કરાયેલા વ્યક્તિઓની સંખ્યા ૩,૮૦,૮૩૮ હતી (ગ્રામીણ વિસ્તારોમાં ૨,૧૭,૪૮૩ અને શહેરી વિસ્તારોમાં ૧,૬૩,૩૫૫).
અભ્યાસમાં એ પણ બહાર આવ્યું છે કે ૧૫-૨૯ વર્ષની વય જૂથની મહિલાઓમાં બેરોજગારીનો દર સમગ્ર દેશમાં ૧૪.૪ ટકા હતો, જ્યારે શહેરોમાં તે ૨૩.૭ ટકા અને ગામડાઓમાં ૧૦.૭ ટકા હતો. દેશમાં ૧૫-૨૯ વર્ષની વય જૂથના પુરુષોમાં બેરોજગારીનો દર ૧૩.૬ ટકા નોંધાયો હતો, જ્યારે શહેરોમાં તે ૧૫ ટકા અને ગામડાઓમાં ૧૩ ટકા હતો.
ડેટા દર્શાવે છે કે એપ્રિલ ૨૦૨૫ દરમિયાન ૧૫ વર્ષ અને તેથી વધુ ઉંમરના લોકોમાં શ્રમ બળ ભાગીદારી દર ૫૫.૬ ટકા હતો. ગ્રામીણ વિસ્તારોમાં ભાગીદારી દર ૫૮.૦ ટકા હતો, જ્યારે શહેરી વિસ્તારોમાં તે ૫૦.૭ ટકા હતો. ગ્રામીણ અને શહેરી વિસ્તારોમાં ૧૫ વર્ષ અને તેથી વધુ ઉંમરના પુરુષોમાં શ્રમ બળ ભાગીદારી દર અનુક્રમે ૭૯.૦ ટકા અને ૭૫.૩ ટકા હતો. એપ્રિલ ૨૦૨૫ દરમિયાન ગ્રામીણ વિસ્તારોમાં ૧૫ વર્ષ અને તેથી વધુ ઉંમરની મહિલાઓમાં શ્રમ બળ ભાગીદારી દર ૩૮.૨ ટકા હતો.(૩૮.૧૨)
(10:05 AM IST)









છેલ્લા 8 દિવસમાં સૌથી લોકપ્રિય 
