<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 16th May 2025

અઠવાડિયાના કેટલા કલાક કામ કરે છે મસ્‍ક?

ઈન્‍ડિયન એન્‍જિનિયરે કર્યો ખુલાસો

ન્‍યુયોર્ક તા. ૧૬: ટેસ્‍લાના અને સ્‍પેસએક્‍સના CEO ઈલોન મસ્‍ક વિશ્વના સૌથી ધનાઢય વ્‍યક્‍તિ છે, પરંતુ અહીં સુધી પહોંચવા માટે તેમણે આકરી મહેનત કરી છે અને હાલમાં પણ તે અઠવાડિયાના ૮૦થી ૯૦ કલાક કામ કરે છે. આ વાતનો ખુલાસો ટેસ્‍લામાં AI સોફ્‌ટવેરના વાઈસ પ્રેસિડેન્‍ટ અશોક એલ્લુસ્‍વામીએ કર્યો છે. એક પોડકાસ્‍ટમાં તેમણે મસ્‍ક સાથે કામ કરવાના અનુભવ અંગે વાતો કરવાની સાથે સાથે ટેક બિલિયોનેરની તનતોડ મહેનત અને રિસ્‍ક લેવાની પ્રવળત્તિ અંગે પણ જણાવ્‍યું હતું.

એક યુ-ટયુબર સાથેની વાતચીતમાં એલ્લુસ્‍વામીએ તામિલનાડુથી ઈલોન મસ્‍ક સાથે કામ કરવાની જર્ની પણ કહી હતી. એલ્લુસ્‍વામીનું કહેવું છે કે ઈલોન મસ્‍ક પાસે એક્‍સ્‍ટ્રાઓર્ડિનરી વિઝન છે અને તેમના વર્ક એથિક્‍સ પણ ઘણા જ મજબૂત છે. તેમણે કહ્યું હતું કે, તે દર અઠવાડિયે ઈલોન મસ્‍કને મળે છે. મસ્‍ક ઘણા જ સ્‍માર્ટ છે અને તે ભવિષ્‍યને પહેલાથી જ ભાંખી શકે છે. તે ઘણા જ મહેનતુ છે અને અઠવાડિયાના ૮૦થી ૯૦ કલાક સુધી કામ કરે છે. એટલું જ નહીં તે રિસ્‍ક લેવાથી પણ ગભરાતા નથી. તેમની એક ખાસ વાત એ છે કે તે ઘણા જ મજાકિયા છે અને તે તેમને વ્‍યક્‍તિગત મળી ત્‍યારે ખબર પડે છે.

પોડકાસ્‍ટમાં એલ્લુસ્‍વામીને જ્‍યારે પૂછવામાં આવ્‍યું કે મસ્‍ક તેમની ટીમ અને કર્મચારીઓ સાથે કેવી રીતે રહે છે તેના જવાબમાં તેણે જણાવ્‍યું હતું કે, મસ્‍ક ઘણા જ કેઝયુઅલ રહે છે. તેમને ઓફિસ પોલિટિક્‍સ પસંદ નથી અને તે એકદમ સ્‍ટ્રેઈટફોરવર્ડ વ્‍યક્‍તિ છે. જો કોઈ સમસ્‍યા છે તો તેનો ઉકેલ લાવવામાં તે માને છે. તેમની સાથે કામ કરવું ઘણી જ અદ્દભુત વાત છે.

ટેસ્‍લા ઈન્‍વેસ્‍ટર સોયર મેરિટે આ પોડકાસ્‍ટની ક્‍લિપ સોશિયલ મીડિયા પ્‍લેટફોર્મ એક્‍સ પર શેર કરી હતી જેને ઈલોન મસ્‍કના ફોલોઅર્સ અને ટેક સેવી લોકોએ ઘણી પસંદ પણ કરી છે અને તેના પર ઢગલો કમેન્‍ટ્‍સ પણ કરી છે. એક યુઝરે લખ્‍યું હતું કે, ઈલોન મસ્‍કના વિઝન, રિસ્‍ક લેવાની ક્ષમતા અને તેમની પર્સનાલિટી પ્રેરણાદાયી છે. એક યુઝરે કમેન્‍ટ કરી હતી કે અઠવાડિયાના ૮૦થી ૯૦ કલાક કામ કરવું તે તેમનું કમિટમેન્‍ટ દેખાડે છે, પરંતુ તેમ છતાં તે ઘણું જ આકરું શિડ્‍યુલ છે. એક યુઝરે લખ્‍યું હતું કે, તેના બે મિત્રો ટેસ્‍લા અને ર્હ્‍ીશમાં કામ કરી રહ્યા છે અને તે બંનેનું માનવું છે કે તે એક શ્રેષ્ઠ ટીમ સાથે કામ કરી રહ્યા છે. તેમનું કહેવું છે કે ઈલોન મસ્‍ક તેમના કર્મચારીઓનું ઘણું જ ધ્‍યાન રાખે છે.

એલ્લુસ્‍વામી રોબોટિક્‍સ એન્‍જિનિયર છે અને ચેન્નાઈની કોલેજ ઓફ એન્‍જિનિયરિંગ ગુઈન્‍ડિમાંથી ઈલેક્‍ટ્રોનિક્‍સ એન્‍ડ કોમ્‍યુનિકેશન એન્‍જિનિયરિંગમાંથી બેચલર્સ ડિગ્રી મેળવી હતી. ત્‍યારબાદ હાયર એજ્‍યુકેશન માટે તે અમેરિકા ગયા હતા અને કાર્નેગી મેલન યુનિવર્સિટીમાંથી રોબોટિક્‍સ સિસ્‍ટમ ડેવલપમેન્‍ટમાં માસ્‍ટર્સ કર્યું હતું. એલ્લુસ્‍વામી ૨૦૧૪માં ટેસ્‍લામાં જોડાયા હતા અને હાલમાં તે AI સોફ્‌ટવેરના વાઈસ પ્રેસિડેન્‍ટ છે. તે ઓટોપાઈલટ ટીમમાં જોડાનારા પ્રારંભિક મેમ્‍બર્સમાં સામેલ છે. અગાઉ તેમણે વોક્‍સવેગન ઈલેક્‍ટ્રોનિક રિસર્ચ લેબ અને WABCO વ્‍હિકલ કંટ્રોલ સિસ્‍ટમ સાથે કામ કર્યું હતું.

ઉલ્લેખનીય છે કે થોડા સમય અગાઉ જ ભારતીય ટેક કંપની ઈન્‍ફોસિસના નારાયણ મૂર્તિએ ભારતીય યુવાનોને અઠવાડિયાના ૭૦ કલાક કામ કરવાની સલાહ આપી હતી અને ત્‍યારે ભારે હોબાળો મચી ગયો હતો. ઘણા લોકોએ વર્ક લાઈફ બેલેન્‍સને લઈને નારાયણ મૂર્તિની આકરી ટીકા કરી હતી. તેમણે કહ્યું હતું કે, નેશનલ પ્રોડક્‍ટિવિટી વધારવા માટે અને વૈશ્વિક સ્‍પર્ધામાં ટકી રહેવા માટે ભારતના યુવાનોએ અઠવાડિયાના ૭૦ કલાક કામ કરવું જોઈએ. વિશ્વમાં ભારતની પ્રોડક્‍ટિવિટી ઘણી જ ઓછી છે. તેથી જ તેમણે ભારતીય યુવાનોને આ સલાહ આપી હતી.

(4:34 PM IST)