નવી દિલ્‍હી તા.૧૭: ટેલિકોમ કંપની વોડાફોન આઈડિયા (VIL) એ સરકારને એક મોટી અપીલ કરી છે. કંપનીએ ટેલિકોમ વિભાગ (DoT) ને જણાવ્‍યું છે કે જો સરકાર AGR (એડજસ્‍ટેડ ગ્રોસ રેવન્‍યુ) પર સમયસર મદદ નહીં કરે, તો નાણાકીય વર્ષ ૨૦૨૬ (FY26) પછી તેમના માટે કામ કરવું મુશ્‍કેલ બનશે. શકય છે કે કંપની ભારતમાંથી તેનું કામકાજ બંધ કરી શકે.કંપનીએ ૧૭ એપ્રિલ ૨૦૨૫ ના રોજ DoT ને એક પત્ર લખ્‍યો હતો. આમાં, તેમણે સરકારને મદદ માટે અપીલ કરી હતી. તેમણે કહ્યું હતું કે મદદ વિના પરિસ્‍થિતિ કાબુ બહાર નીકળી જશે. એનો અર્થ એ કે જો સરકાર મદદ નહીં કરે તો કંપની પાસે પાછા ફરવાનો કોઈ રસ્‍તો નહીં રહે.

બેંકમાંથી લોન નહીં મળે

VIL ના CEO અક્ષય મુન્‍દ્રાએ ઝંવ્‍ સચિવને લખેલા પત્રમાં જણાવ્‍યું હતું કે AGR પર સરકાર તરફથી સમયસર સહાય વિના, VIL નાણાકીય વર્ષ ૨૬ પછી કાર્ય કરી શકશે નહીં. કારણ કે બેંક ભંડોળ અંગેની વાતચીત આગળ વધશે નહીં. આનો અર્થ એ થયો કે જો સરકાર AGRના મામલે તાત્‍કાલિક મદદ નહીં કરે, તો બેંકો કંપનીને લોન નહીં આપે અને કંપનીનું કામકાજ ઠપ્‍પ થઈ જશે.

સુપ્રીમ કોર્ટમાં અરજી દાખલ કરવામાં આવી છે

સુપ્રીમ કોર્ટે વોડાફોન આઈડિયા દ્વારા દાખલ કરવામાં આવેલી અરજી પર સુનાવણી કરવા સંમતિ આપી છે. કંપનીએ લગભગ ૩૦,૦૦૦ કરોડ રૂપિયાના AGR બાકી રકમ માફ કરવાની માંગ કરી છે.

ચીફ જસ્‍ટિસ બીઆર ગવઈ અને જસ્‍ટિસ ઓગસ્‍ટિન જ્‍યોર્જ મસીહની બેન્‍ચે ટેલિકોમ કંપની તરફથી હાજર રહેલા વરિષ્ઠ વકીલ મુકુલ રોહતગીની સુનાવણી કરી. તેમણે કહ્યું કે આ મામલાની તાત્‍કાલિક સુનાવણીની જરૂર છે. બેન્‍ચ ૧૯ મેના રોજ અરજી પર સુનાવણી કરે તેવી શકયતા છે.

કંપની પાસે કયા વિકલ્‍પો છે?

વોડાફોન આઈડિયાના મતે, જો સરકાર મદદ નહીં કરે અને VIL AGR બાકી રકમ ચૂકવવામાં નિષ્‍ફળ જાય, તો કંપનીએ NCLT (નેશનલ કંપની લો ટ્રિબ્‍યુનલ) પ્રક્રિયામાંથી પસાર થવું પડશે, જે એક લાંબી -ક્રિયા હશે. NCLT એક એવી સંસ્‍થા છે જે કંપનીઓના નાદારી સંબંધિત કેસોની તપાસ કરે છે.કંપનીએ કહ્યું કે આવી સ્‍થિતિમાં, નેટવર્ક અને સ્‍પેક્‍ટ્રમ જેવી સંપત્તિઓનું મૂલ્‍ય ઘટશે અને સેવાઓ પણ થોડા સમય માટે ખોરવાઈ જશે. VIL એ કહ્યું કે જો આવું થશે, તો લગભગ ૨૦ કરોડ વપરાશકર્તાઓ પ્રભાવિત થશે અને તેમને અન્‍ય કંપનીઓ તરફ જવું પડશે. કંપનીનું કહેવું છે કે સમયસર મદદ મળવાથી સામાન્‍ય જનતા અને ભારતીય અર્થતંત્રને ફાયદો થશે.(૩૮.૧૧)