જયપુર: શ્રી સત્ય સાઈ હાર્ટ હોસ્પિટલ, જે "દિલ વિધાઉટ બિલ"ના સૂત્ર સાથે સેવા કાર્ય કરી રહી છે, તે રાજસ્થાનના હૃદયરોગના દર્દીઓ માટે એક આશાનું કિરણ બની છે. હોસ્પિટલે અત્યાર સુધીમાં રાજસ્થાન રાજ્યના ૨૨૦૦થી વધુ દર્દીઓની સંપૂર્ણપણે વિનામૂલ્યે હૃદયરોગની સારવાર કરી છે. પોતાની આ સેવાકીય પ્રવૃત્તિને આગળ વધારતા હોસ્પિટલ છેલ્લા ૮ વર્ષથી નિઃશુલ્ક હૃદયરોગ નિદાન કેમ્પનું આયોજન કરી રહી છે.
આ જ શ્રેણીમાં, શ્રી સત્ય સાઈ હાર્ટ હોસ્પિટલ અને શ્રી સત્ય સાઈ સેવા સંગઠનો, રાજસ્થાન દ્વારા રાજસ્થાન સરકારના આરોગ્ય વિભાગના સહયોગથી જયપુરમાં એક મેગા ફ્રી હાર્ટ કેમ્પનું આયોજન કરવામાં આવ્યું છે. આ કેમ્પ ૧૮મી મે, ૨૦૨૫ (રવિવાર) ના રોજ સવારે ૧૧:૧૫ વાગ્યે શ્રી મહાવીર કોલેજ, મહાવીર માર્ગ, સી-સ્કીમ, જયપુર, રાજસ્થાન ખાતે યોજાશે.
આ કેમ્પમાં મુખ્ય અતિથિ તરીકે રાજસ્થાન હાઈકોર્ટના માનનીય ન્યાયાધીશ મનીષ શર્મા ઉપસ્થિત રહેશે. જ્યારે અતિથિ વિશેષ તરીકે આઈએએસ ગાયત્રી રાઠોર (પીએસ, તબીબી અને પરિવાર કલ્યાણ વિભાગ, રાજસ્થાન) અને દૈનિક ભાસ્કરના રાષ્ટ્રીય સંપાદક લક્ષ્મી પ્રસાદ પંત હાજર રહેશે.
સાઈ પરિવાર દ્વારા આયોજિત આ સેવાકીય કાર્યક્રમમાં સહભાગી થવા માટે સૌને ભાવભર્યું આમંત્રણ પાઠવવામાં આવ્યું છે. હોસ્પિટલનો મુખ્ય ઉદ્દેશ્ય એ છે કે આર્થિક રીતે નબળા અને જરૂરિયાતમંદ લોકોને પણ ઉત્તમ હૃદયરોગની સારવાર વિનામૂલ્યે મળી રહે.