ભારતે બાંગ્લાદેશ સામે મોટી કાર્યવાહી કરી છે. શુક્રવારે ભારતે બાંગ્લાદેશથી ભારતમાં તૈયાર વસ્ત્રો, પ્રોસેસ્ડ ફૂડ વસ્તુઓ વગેરે જેવી કેટલીક ચીજવસ્તુઓની આયાત પર પોર્ટ સંબંધિ પ્રતિબંધો લાદ્યા હતા. ભારતનો આ નિર્ણય બાંગ્લાદેશ માટે મોટો ફટકો બની શકે છે.

સમાચાર એજન્સી ANIના અહેવાલ મુજબ આ પોર્ટ એટલે કે બંદર સંબંધિત પ્રતિબંધ ભારતથી નેપાળ અને ભૂટાન જતા બાંગ્લાદેશી માલ પર લાગુ પડશે નહીં. એટલે કે, બાંગ્લાદેશથી આવતા અને ભારતીય બંદરો દ્વારા નેપાળ અને ભૂટાન જતા માલ પર કોઈપણ પ્રકારના નિયંત્રણો રહેશે નહીં. આ માલની આયાત પર પણ પ્રતિબંધ મૂકવામાં આવ્યો હતો.

સમાચાર એજન્સી પીટીઆઈ અનુસાર, રેડીમેડ કપડા ઉપરાંત, પ્લાસ્ટિક, લાકડાના ફર્નિચર, કાર્બોનેટેડ પીણાં, પ્રોસેસ્ડ ફૂડ વસ્તુઓ, ફળોના સ્વાદવાળા પીણાં, કપાસ અને કપાસના યાર્ડના કચરાને મેઘાલય, આસામ, ત્રિપુરા અને મિઝોરમ અને પશ્ચિમ બંગાળના ફુલબારી અને ચાંગરાબંધા ખાતેના લેન્ડ કસ્ટમ સ્ટેશનો અને ચેક પોસ્ટ દ્વારા ભારતમાં પ્રવેશવાની મંજૂરી આપવામાં આવશે નહીં.