મુંબઈ : આજે મંગળવારે સાંજે મુંબઈમાં કાળા વાદળો, ગાજવીજ વીજળી અને જોરદાર પવન સાથે ધોધમાર વરસાદ પડ્યો છે

ભારત હવામાન વિભાગ (IMD) એ અગાઉ મુંબઈમાં હળવાથી મધ્યમ વરસાદની આગાહી કરી હતી, સાથે જ વાવાઝોડાની પણ શક્યતા વ્યક્ત કરી હતી.

આગામી દિવસોમાં  IMD દ્વારા જાહેર કરાયેલી ચેતવણીમાં, હવામાન વિભાગે જણાવ્યું હતું કે મુંબઈ અને તેની આસપાસના વિસ્તારોમાં 40-50 કિમી પ્રતિ કલાકની ઝડપે પવન ફૂંકાતા વાવાઝોડા સાથે હળવા વરસાદના ઝાપટા પડવાની શક્યતા છે.

ભારતીય હવામાન વિભાગ દ્વારા નાસિક, જાલના, બીડ, હિંગોલી અને પરભણી સહિત મહારાષ્ટ્રના કેટલાક ભાગો માટે પણ આવી જ ચેતવણી જાહેર કરવામાં આવી હતી.

ભારતીય હવામાન વિભાગે મંગળવારે પુણે, સતારા, સાંગલી અને મહારાષ્ટ્રના કેટલાક અન્ય ભાગો માટે ઓરેન્જ એલર્ટ જારી કર્યું હતું, જેમાં 20 મેના રોજ ભારેથી ખૂબ જ ભારે વરસાદ, વાવાઝોડા અને વીજળી પડવાની આગાહી કરવામાં આવી હતી.

હવામાન બુલેટિનમાં, IMD એ જણાવ્યું હતું કે મંગળવારે મહારાષ્ટ્રના કેટલાક ભાગોમાં ભારેથી ખૂબ જ ભારે વરસાદ, વીજળી પડવાની સાથે વાવાઝોડા અને પવનો (50-60 કિમી પ્રતિ કલાક)ની ફૂંકાય તેવી શક્યતા છે.

ભારતીય હવામાન વિભાગ અનુસાર, ૨૧ મેની આસપાસ કર્ણાટક દરિયાકાંઠે અરબી સમુદ્ર પર ચક્રવાત બનવાની શક્યતા છે.

આઈએમડી મુંબઈના શુભાંગી ભુતેએ જણાવ્યું હતું કે, "આ સિસ્ટમ મહારાષ્ટ્રમાં, ખાસ કરીને દક્ષિણ કોંકણ અને મુંબઈમાં ૨૧ થી ૨૪ મે દરમિયાન હવામાનને અસર કરી શકે છે."

હવામાન વિભાગે ૨૦ થી ૨૪ મે દરમિયાન મુંબઈ મેટ્રોપોલિટન રિજન (એમએમઆર) માટે યલો એલર્ટ જાહેર કર્યું છે.