૫ જૂને ‘રામ દરબાર'ની પ્રાણ પ્રતિષ્ઠા, કોઈ VIPને આમંત્રણ નહીં
મહેમાનોની યાદીમાં રાજ્ય કે કેન્દ્રના અગ્રણી લોકોને સામેલ કરાશે નહીં: નળપેન્દ્ર મિશ્રા
નવી દિલ્હી તા.૨૨: અયોધ્યા રામ મંદિર સંકુલમાં બાંધકામનું કામ ઝડપથી અંતિમ તબક્કામાં પહોંચી રહ્યું છે. રામ મંદિરના પહેલા માળે રામ દરબારની મૂર્તિની સ્થાપના માટેની તૈયારીઓ પૂર્ણ થઈ ગઈ છે. અહીં ગર્ભગળહથી લઈને બધા મંડપના ફ્લોરિંગ સુધીનું તમામ કામ પૂર્ણ થઈ ગયું છે. શ્રી રામ જન્મભૂમિ નિર્માણ સમિતિના અધ્યક્ષ નળપેન્દ્ર મિશ્રાએ જણાવ્યું હતું કે અયોધ્યામાં પ્રતિષ્ઠિત રામ મંદિરનું બાંધકામ ૫ જૂન સુધીમાં પૂર્ણ થશે અને ૩ જૂનથી શરૂ થતા સમારોહમાં ‘રામ દરબાર'ની પ્રાણ પ્રતિષ્ઠા કરવામાં આવશે. મિશ્રાએ એવું પણ ઉમેર્યું કે ‘પ્રાણ પ્રતિષ્ઠા' સમારોહ ૫ જૂને યોજાશે અને તે ભવ્ય હોવાની અપેક્ષા છે, પરંતુ આ વખતે મહેમાનોની યાદી અલગ હોઈ શકે છે.
ગયા વર્ષે ૨૨ જાન્યુઆરી ૨૦૨૪ના રોજ, પ્રધાનમંત્રી નરેન્દ્ર મોદીના નેતળત્વમાં એક સમારોહમાં રામ લલ્લાનો અભિષેક કરવામાં આવ્યો હતો. મિશ્રાએ કહ્યું કે, રામ દરબારની મૂર્તિઓની પ્રાણ પ્રતિષ્ઠા ૫ જૂને કરવામાં આવશે. વિધિ ૩ જૂનથી શરૂ થશે. આ ઉપરાંત, સંકુલમાં સાત અન્ય મંદિરો પણ બનાવવામાં આવ્યા છે અને તે મંદિરો માટે ધાર્મિક વિધિઓ પણ તે જ દિવસે કરવામાં આવશે. તેમણે કહ્યું કે, પ્રાણ પ્રતિષ્ઠા સમારોહ હંમેશા ભવ્ય હોય છે. કારણ કે તમે સ્પષ્ટપણે ભગવાનનું આહ્વાન કરો છો, પણ કદાચ મહેમાનોની યાદી અલગ હશે. શકય છે કે પૂજા કરનારા પૂજારીઓ અલગ હોય. મિશ્રાએ ઉમેર્યું કે મહેમાન યાદીમાં રાજ્ય કે કેન્દ્રના અગ્રણી લોકોનો સમાવેશ થશે નહીં. તેમણે કહ્યું, ‘‘ટ્રસ્ટ તેના પર વિચાર કરી રહ્યું છે.'' અને કદાચ તેઓ તે સમારંભ દરમિયાન વિવિધ ધર્મોના ઘણા આધ્યાત્મિક નેતાઓને પણ આમંત્રિત કરશે. ટ્રસ્ટે એ પણ નિર્ણય લીધો છે કે રાજ્ય કે કેન્દ્ર સરકારના કોઈપણ VIP ને આ કાર્યક્રમમાં આમંત્રિત કરવામાં આવશે નહીં.
મિશ્રાએ મંદિરના નિર્માણ પાછળ કોઈ રાજકીય હેતુ હોવાનો ઇનકાર કર્યો હતો. તેમણે કહ્યું, મને નથી લાગતું કે આ કોઈ રાજકીય નાટક છે કે તેની પાછળ કોઈ રાજકીય હેતુ છે. આ આપણા સુપ્રીમ કોર્ટના આદેશ પર થયું છે અને આ ક્ષણ ૫૦૦ વર્ષથી વધુ સંઘર્ષ પછી આવી છે.(૩૮.૮)
(9:54 AM IST)
છેલ્લા 8 દિવસમાં સૌથી લોકપ્રિય 
