જયપુર,તા.૨૪: રાજસ્‍થાનમાં ભીષણ ગરમીનો પ્રકોપ ચાલુ રહ્યો છે. જેસલમેરમાં સૌથી વધુ ૪૮ ડિગ્રી સેલ્‍સિયસ તાપમાન નોંધાયું હતું. રાજસ્‍થાનના મોટા ભાગના વિસ્‍તારોમાં  કેટલાય દિવસોથી ભીષણ ગરમી પડી રહી છે. હવામાન વિભાગે કહ્યું કે ભીષણ ગરમી આવનારા દિવસોમાં પણ ચાલું રહેશે. શુક્રવારે બાડમેરમાં સૌથી વધુ તાપમાન ૪૭.૫ ડિગ્રી સેલ્‍સિયસ, બીકાનેરમાં ૪૬.૨ ડિગ્રી સેલ્‍સિયસ, પિલાનીમાં ૪૫.૭ ડિગ્રી સેલ્‍સિયસ અને ચુરુમાં ૪૫.૬ ડિગ્રી સેલ્‍સિયસ તાપમાન નોંધાયું હતું. જયપુરમાં તાપમાનનો પારો ૪૩.૨ ડિગ્રી સેલ્‍સિયસ સુધી પહોંચી ગયો હતો.(૪૦.૯)