નવી દિલ્‍હી તા.૨૬: શનિવારે મધ્‍યરાત્રિ પછી રાજધાનીમાં પડેલા ભારે વરસાદે મે મહિનામાં વરસાદનો ૧૨૫ વર્ષ જૂનો રેકોર્ડ તોડી નાખ્‍યો છે. આ મહિનામાં અત્‍યાર સુધીમાં ૧૮૬.૨ મીમી વરસાદ પડ્‍યો છે. રવિવારની સવાર સુધી ૮૧.૪ મીમી વરસાદ નોંધાયો હતો. ભારતીય હવામાન વિભાગ (IMD) ના ડેટા અનુસાર, અગાઉનો રેકોર્ડ મે ૨૦૦૮માં ૧૬૫ મીમી વરસાદનો હતો.

એટલે કે, આ વર્ષે મે મહિનામાં ૨૦૦૮ કરતા ૨૧.૨ મીમી વધુ વરસાદ પડ્‍યો છે. જ્‍યારે, મહિનો પૂરો થવામાં હજુ છ દિવસ બાકી છે. હવામાનમાં સતત વધઘટને ધ્‍યાનમાં રાખીને, વરસાદની શકયતા છે.

વરસાદ દરમિયાન જોરદાર પવન અને વીજળી પણ પડી. મે મહિનામાં હવામાન ગરમ હોય છે અને ગરમીનું મોજું હોય છે, પરંતુ આ વખતે હવામાનમાં મોટો ફેરફાર જોવા મળ્‍યો છે.

IMD ના અહેવાલ મુજબ, રવિવારે સવારે ૫.૩૦ વાગ્‍યા સુધી ૮૧.૪ મીમી વરસાદ નોંધાયો છે. શનિવારે રાત્રે ૦૧:૧૫ થી ૦૨.૩૦ વાગ્‍યા દરમિયાન આવેલા વાવાઝોડાને કારણે તાપમાનમાં ઘટાડો થયો હતો.

આ દરમિયાન, પારો ૮ થી ૧૦ ડિગ્રી સેલ્‍સિયસ ઘટીને ૩૧ થી ૨૨ ડિગ્રી સેલ્‍સિયસ થઈ ગયો. ૮૨ કિમી પ્રતિ કલાકની ઝડપે ફૂંકાતા જોરદાર પવનો અને ભીષણ ગરમી વચ્‍ચે ભારે વરસાદને કારણે દિલ્‍હીમાં હવામાન ખુશનુમા બન્‍યું.

હવામાન વિભાગના એક વૈજ્ઞાનિકે જણાવ્‍યું હતું કે આ દિવસોમાં રાજધાનીમાં એક પછી એક પﾍમિી વિક્ષેપો સક્રિય છે. ઉપરાંત, બંગાળની ખાડી અને અરબી સમુદ્રમાંથી આવતા ભેજવાળા પવનો સ્‍થાનિક ગરમી સાથે અથડાઈ રહ્યા છે અને વાતાવરણમાં અસ્‍થિરતા પેદા કરી રહ્યા છે. આ અસ્‍થિરતાના કારણે ભારે પવન, વીજળી અને વરસાદ પડી રહ્યો છે.

હવામાનશાષાીઓ તેને ગ્‍લોબલ ર્વોમિંગ અને આબોહવા પરિવર્તન સાથે પણ જોડી રહ્યા છે. હવામાનમાં અચાનક ફેરફાર, તોફાનોની તીવ્રતા અને વારંવાર વાવાઝોડા એ સંકેત આપે છે કે પર્યાવરણમાં કંઈક ખોટું છે. આ આબોહવા સંકટનો દસ્‍તક છે. આ ઉપરાંત, આ વખતે દક્ષિણપ?મિ ચોમાસું કેરળમાં સમય પહેલાં દસ્‍તક આપી ચૂકયું છે.

ITO ખાતે દર વર્ષે વરસાદના દિવસોમાં ભારે પાણી ભરાવાના કારણે થતી સમસ્‍યાનો કાયમી ઉકેલ શોધવામાં આવશે. અહીં, ITO પંપ સ્‍ટેશન (ઇન્‍દ્રપ્રસ્‍થ પોલીસ સ્‍ટેશન પાસે) થી ડ્રેઇન નંબર 12A સુધી ડક્‍ટાઇલ આયર્ન પાઇપલાઇન નાખવામાં આવશે. દિલ્‍હી સરકારના PWD એ ૬૯૦ મીટરની લંબાઈમાં ૪૫૦ mm DI પાઇપલાઇન નાખવા માટે ટેન્‍ડર બહાર પાડ્‍યું છે. પાઇપ નાખવાનું કામ ટૂંક સમયમાં શરૂ થશે.

આ પ્રોજેક્‍ટમાં ઉપયોગમાં લેવાતી ડક્‍ટાઇલ આયર્ન પાઇપ લવચીક છે, તેથી તેના તૂટવાનું જોખમ ઓછું રહેશે. તે ૫૦-૧૦૦ વર્ષ સુધી ટકાઉ છે. ઉચ્‍ચ ક્ષમતા અને ટકાઉપણાને કારણે, પાણી ઝડપથી નીકળી જશે. કાટ વિરોધી કોટિંગ અને મજબૂત સામગ્રીને કારણે, લાંબા ગાળાની જાળવણીની જરૂર રહેશે નહીં. ઝડપી ડ્રેનેજથી રસ્‍તાઓ અને આસપાસના વિસ્‍તારોમાં પાણીજન્‍ય પ્રદૂષણ ઘટશે.

ગયા વર્ષે ચોમાસા દરમિયાન ભારે વરસાદને કારણે ITO ખાતે ભારે પાણી ભરાઈ ગયું હતું. આ સૌથી વ્‍યસ્‍ત રૂટ પર પરિવહન વ્‍યવસ્‍થા ઠપ્‍પ થઈ ગઈ હતી, ટ્રાફિક લાઇટ ઘણા કલાકો સુધી બંધ રહી હતી. PWD એ અહીં ૬૯૦ મીટર લાંબી DI પાઇપલાઇન નાખવા માટે રૂ. ૧.૧૧ કરોડના ખર્ચે ટેન્‍ડર બહાર પાડ્‍યું છે.(૩૮.૭)