કેરળના દરિયાકાંઠે લાઇબેરિયાનું ૧૮૪ મીટર લાંબું માલવાહક જહાજ ડૂબ્યું
નેવી, કોસ્ટ ગાર્ડનુ રેસ્કયુ અભિયાન, તમામ ૨૪ ક્રૂ મેમ્બરોને બચાવાયાં
કોચી તા.૨૬: લાઇબેરિયાનું એક માલવાહક જહાજ રવિવાર વહેલી સવારે કેરળના દરિયાકાંઠે સમુદ્રમાં પલટી ખાઈને ડૂબી ગયું હતું. આ દુર્ઘટના પછી તરત ઇન્ડિયન કોસ્ટ ગાર્ડે રેસ્કયુ અભિયાન હાથ ધરીને તમામ ૨૪ ક્રુ મેમ્બરને બચાવી લીધા હતાં. આ માલવાહક જહાજમાં ૧૩ જોખમી કાર્ગો સહિત ૬૪૦ કન્ટેનર હતાં, જેનાથી પર્યાવરણને નુકસાન થવાની આશંકા વધી ગઈ છે. આ ઘટનાને કારણે મોટા પ્રમાણમાં દરિયામાં ક્રુડ ઓઇલ લીકેજ થયું હતું.
ઇન્ડિયન કોસ્ટ ગાર્ડે જણાવ્યું હતું કે ૨૪ મેના રોજ વહેલી સવારે પ્લ્ઘ્ ELSA ૩ પલટી ખાઈને ડુબી ગયું હતું. ૧૮૪ મીટર લાંબુ જહાજ શુક્રવારે વિઝિંજામ બંદરથી કોચી માટે રવાના થયું હતું. આ જહાજની માલિક કંપનીએ તાકીદે સહાયની માગણી કરી હતી. જહાજના ૨૪ સભ્યોના ક્રૂમાં એક રશિયન (માસ્ટર), ૨૦ ફિલિપિનો, બે યુક્રેનિયન અને એક જ્યોર્જિયન નાગરિકનો સમાવેશ થાય છે. INS સુજાતા દ્વારા તમામ ક્રુ મેમ્બર્સને બચાવી લેવામાં આવ્યા હતાં.
૬૪૦ કન્ટેનરમાંથી ૧૩માં જોખમી કાર્ગો હતાં, જ્યારે ૧૨ કન્ટેનરમાં કેલ્શિયમ કાર્બાઇડ હતું. જહાજની ટાંકીમાં ૮૪.૪૪ મેટ્રિક ટન ડીઝલ અને ૩૬૭.૧ મેટ્રિક ટન ફર્નેસ ઓઇલ હતું. કેરળનો સંવેદનશીલ દરિયાકિનારો જીવંત જૈવવિવિધતાનું ઘર છે અને એક મુખ્ય પ્રવાસન આકર્ષણ છે, તેથી ભારતીય કોસ્ટ ગાર્ડે તમામ સંભવિત પરિસ્થિતિઓ માટે રાજ્ય વહીવટીતંત્ર સાથે પ્રદૂષણ પ્રતિભાવ તૈયારી અને સંકલન વધારી દીધું છે. કેરળ સરકારે રાજ્યવ્યાપી એલર્ટ જાહેર કર્યું હતું અને માછીમારોને દરિયામાં ન જવાની સલાહ આપી હતી. કોસ્ટ ગાર્ડે ક્રુડ ઓઇલના ફેલાવાને રોકવા માટે કામગીરી ચાલુ કરી હતી. લીક થયેલું ઈંધણ લગભગ ત્રણ કિલોમીટર પ્રતિ કલાકની ઝડપે દરિયામાં ફેલાઈ રહ્યું હતું(૩૮.૬)
(9:28 AM IST)
છેલ્લા 8 દિવસમાં સૌથી લોકપ્રિય 
