નાગપુરમાં ઘોડેસવારી શીખવતી ક્લબના વિક્રુત કર્મચારીએ ઘોડી પર બળાત્કાર કર્યો
પોલીસે ધરપકડ કરીને તેની સામે ભારતીય ન્યાયસંહિતાની કલમો અને એનિમલ પ્રોટેક્શન એક્ટ હેઠળ ગુનો નોંધ્યો '
નાગપુર,તા.૨૬: નાગપુરમાં ઘોડેસવારી શીખવતી નાગપુર ડિસ્ટ્રિક્ટ ઇક્વેસ્ટ્રિયન અસોસિએશન ક્લબમાં ગયા શનિવારે ઘોડી પર બળાત્કાર કરવાની ઘટના બની હતી.
આ કેસમાં એ એકેડેમી ચલાવતા ફરિયાદી -મોદ લાડવેએ તેની ફરિયાદમાં કહ્યું હતું કે ‘એ રાતે સિકયોરિટી ગાર્ડે ૩૦ વર્ષના કર્મચારી સૂરજ ઉર્ફે છોટયા સુંદર ખોબ્રાગડેને એકેડેમીમાં શંકાસ્પદ રીતે જોયો હતો. જોકે એ વખતે તે બહુ ખતરનાક લાગી રહ્યો હોવાથી સવારના એ વિશે સિકયોરિટી ગાર્ડે મને જાણ કરી હતી. એ પછી ક્લોઝ્ડ સર્કિટ ટેલિવિઝન (CCTV) કેમેરાનું ફુટેજ ચેક કર્યું ત્યારે આરોપી ઘોડી પર બળાત્કાર કરતો હોવાનું જણાઈ આવ્યું હતું. સાથે જ તેણે ૫૦૦ રૂપિયાનું એક એવા કુલ ચાર લોખંડના ઍન્ગલ પણ ચોર્યા હોવાનું CCTV કેમેરાના ફુટેજમાં દેખાઈ આવ્યું હતું. આ બાબતે ગિટ્ટી ખદાન પોલીસ-સ્ટેશનમાં ફરિયાદ કરવામાં આવી હતી. પોલીસે છોટયા ખોબ્રાગડેની ધરપકડ કરીને તેની સામે ભારતીય ન્યાયસંહિતાની કલમો અને એનિમલ પ્રોટેક્શન એક્ટ હેઠળ ગુનો નોંધ્યો હતો.(૪૦.૧૧)
(9:51 AM IST)
છેલ્લા 8 દિવસમાં સૌથી લોકપ્રિય 
