હ્રદયસમ્રાટનું માદરેવતનમાં ભવ્ય સ્વાગત
‘‘ઓપરેશન સિંદુર'' અંતર્ગત પાકિસ્તાનને ધુળ ચાટતુ કર્યા બાદ વડાપ્રધાન મોદી આજથી ગુજરાતનાં બે દિવસના પ્રવાસે : વડોદરા-દાહોદ-ભુજ-અમદાવાદમાં ભવ્યાતિભવ્ય રોડ શોઃ જનમેદની ઉમટી પડીઃ રૂ.૮૨૯૫૦ કરોડની સુવિધાઓ-લોકાર્પણ-શિલાન્યાસના કાર્યક્રમોઃ વિકાસનાં નવા દ્વાર ખુલશે
નવી દિલ્હી,તા.૨૬: ઓપરેશન સિંદૂર પછી વડાપ્રધાન મોદી આજથી ગુજરાતની બે દિવસની મુલાકાતે છે. આ બે દિવસ દરમિયાન પીએમ મોદી દાહોદ, વડોદરા, ભુજ, અમદાવાદ અને ગાંધીનગરમાં આયોજીત વિવિધ કાર્યક્રમ અને રોડ શોમાં ઉપસ્થિત રહેશે.ગુજરાતના બે દિવસીય પ્રવાસ દરમિયાન વડાપ્રધાન મોદી દાહોદ, ભુજ અને ગાંધીનગરમાં ૮૨,૯૫૦ કરોડ રૂપિયાથી વધુના વિકાસ પ્રોજેક્ટનો શિલાન્યાસ અને ઉદ્ધાટન કરશે. આ મુલાકાત ગુજરાતના વિકાસને વધુ વેગ આપશે તેવી અપેક્ષા છે. તમામ સ્થળોએ તેમના ભવ્ય સ્વાગતની તૈયારીઓ કરવામાં આવી છે. આ લખાય છે ત્યારે વડાપ્રધાન મોદીનો વડોદરામાં રોડ શો શરૂ થયો છે. રસ્તાની બંને બાજુ જનમેદની એ તેમનું અભિવાદન કર્યુ હતું.
આજે વડાપ્રધાન ભુજમાં ૫૩,૪૧૪ કરોડ રૂપિયાના ૩૩ વિકાસ પ્રોજેક્ટ્સનું ઉદ્ધાટન અને શિલાન્યાસ કરશે. આ પ્રોજેક્ટ્સમાં ઉર્જા ક્ષેત્ર, ટ્રાન્સમિશન નેટવર્ક અને અન્ય મહત્વપૂર્ણ માળખાગત સુવિધાઓ સંબંધિત પ્રોજેક્ટનો સમાવેશ થાય છે.ભુજમાં વડાપ્રધાનના હસ્તે ૩૩ વિકાસકાર્યોનું લોકાર્પણ અને ખાતમુહૂર્ત કરાશે. દાહોદમાં ખરોડ ખાતે રેલવે સહિત વિવિધ વિભાગોના રૂ.૨૪,૦૦૦ કરોડથી વધુ મૂલ્યના વિકાસ -કલ્પોનું લોકાર્પણ -ખાતમુહૂર્ત કરશે. જયારે ૨૭મી મેએ ગાંધીનગર સ્થિત મહાત્મા મંદિરમાં આયોજિત વિશેષ કાર્યક્રમમાં હાજરી આપી રૂા.૫૫૩૯ કરોડના પ્રોજેક્ટ્સનું લોકાર્પણ અને ખાતમુહૂર્ત કરશે.
આ બધા સ્થળોએ પીએમના સ્વાગત માટે ખાસ તૈયારીઓ કરવામાં આવી રહી છે. આ સાથે, પીએમ અહીં રોડ શો અને જાહેર સભાઓ પણ કરશે. આ સાથે, વડાપ્રધાન અનેક વિકાસ કાર્યોનો શિલાન્યાસ અને ઉદ્ધાટન પણ કરશે.
મોદી સોમવારે લોકોમોટિવ મેન્યુફેક્ચરિંગ વર્કશોપ રાષ્ટ્રને સમર્પિત કરશે અને ઇલેક્ટ્રિક લોકોમોટિવને પણ લીલી ઝંડી આપશે. આ પછી, તેઓ ભૂજ જશે અને ૫૩,૪૦૦ કરોડ રૂપિયાથી વધુના અનેક વિકાસ પ્રોજેક્ટ્સનું લોકાર્પણ કરશે. તેઓ બંને સ્થળોએ જાહેર સભાઓને સંબોધિત કરશે.
સવારે ગુજરાત શહેરી વિકાસના ૨૦મા વર્ષગાંઠના સમારોહમાં હાજરી આપશે અને શહેરી વિકાસ વર્ષ ૨૦૨૫નું લોન્ચિંગ કરશે.
દાહોદ પ્લાન્ટમાં ઘરેલુ હેતુ અને નિકાસ માટે ૯૦૦૦ HP ઇલેક્ટ્રિક લોકોમોટિવનું ઉત્પાદન કરવામાં આવશે. પ્રધાનમંત્રી મોદી પ્લાન્ટમાંથી ઉત્પાદિત પ્રથમ ઇલેક્ટ્રિક એન્જિનને પણ લીલી ઝંડી આપશે.
આ એન્જિન ભારતીય રેલ્વેની માલવાહક ક્ષમતા વધારવામાં મદદ કરશે. આ એન્જિનો રિજનરેટિવ બ્રેકિંગ સિસ્ટમથી સજ્જ હશે અને પર્યાવરણીય ટકાઉપણામાં ફાળો આપીને ઊર્જા વપરાશ ઘટાડવા માટે ડિઝાઇન કરવામાં આવી રહ્યા છે.
વડાપ્રધાન વેરાવળ અને અમદાવાદ વચ્ચે વંદે ભારત એક્સ-ેસ અને વલસાડ અને દાહોદ સ્ટેશનો વચ્ચે એક એક્સપ્રેસ ટ્રેનને લીલી ઝંડી આપશે. પ્રધાનમંત્રી ગેજ રૂપાંતરિત કટોસણ-કલોલ સેક્શનનું પણ ઉદ્ધાટન કરશે અને તેના પર માલગાડી ટ્રેનને લીલી ઝંડી આપશે.
ભુજમાં, વડાપ્રધાન ૫૩,૪૦૦ કરોડ રૂપિયાથી વધુના અનેક વિકાસ પ્રોજેક્ટ્સનું ઉદ્ધાટન અને શિલાન્યાસ કરશે. પાવર સેક્ટર પ્રોજેક્ટ્સમાં ખાવડા રિન્યુએબલ એનર્જી પાર્કમાં ઉત્પન્ન થતી નવીનીકરણીય ઉર્જા સંબંધિત ટ્રાન્સમિશન પ્રોજેક્ટ્સ, ટ્રાન્સમિશન નેટવર્ક વિસ્તરણ, તાપી ખાતે ઁઅલ્ટ્રા સુપર ક્રિટિકલ થર્મલ પાવર પ્લાન્ટઁ યુનિટ વગેરેનો સમાવેશ થાય છે. આમાં કંડલા બંદર પરના પ્રોજેક્ટ્સ અને ગુજરાત સરકારના અનેક રોડ, પાણી અને સૌર પ્રોજેક્ટ્સનો પણ સમાવેશ થાય છે.
ગુજરાતમાં શહેરી વિકાસ વર્ષ ૨૦૦૫ એ તત્કાલીન મુખ્યમંત્રી નરેન્દ્ર મોદી દ્વારા શરૂ કરાયેલ એક મુખ્ય પહેલ છે જેનો ઉદ્દેશ્ય આયોજિત માળખાગત સુવિધાઓ, સુધારેલ શાસન અને શહેરી રહેવાસીઓ માટે જીવનની ગુણવત્તા સુધારવા દ્વારા ગુજરાતના શહેરી લેન્ડસ્કેપને પુનર્જીવિત કરવાનો હતો.
આ પહેલના ૨૦ વર્ષ પૂર્ણ થવાના પ્રસંગે, પ્રધાનમંત્રી ગાંધીનગરમાં શહેરી વિકાસ વર્ષ ૨૦૨૫, ગુજરાતની શહેરી વિકાસ યોજના અને રાજ્ય સ્વચ્છ હવા કાર્યક્રમનો શુભારંભ કરશે.
તેઓ શહેરી વિકાસ, આરોગ્ય અને પાણી પુરવઠા સંબંધિત અનેક પ્રોજેક્ટ્સનું ઉદ્ધાટન અને શિલાન્યાસ પણ કરશે.
મોદી પીએમએવાય હેઠળ ૨૨,૦૦૦ થી વધુ આવાસ એકમોનું પણ લોકાર્પણ કરશે. તેઓ સ્વર્ણિમ જયંતિ મુખ્યમંત્રી શહેરી વિકાસ યોજના હેઠળ ગુજરાતની શહેરી સ્થાનિક સંસ્થાઓને રૂ. ૩,૩૦૦ કરોડનું ભંડોળ પણ જાહેર કરશે.
પ્રધાનમંત્રીનો સંપૂર્ણ કાર્યક્રમ
૨૬ મેઃ સવારે વડોદરામાં રોડ શો.
દાહોદમાં એક લોકોમોટિવ મેન્યુફેક્ચરિંગ વર્કશોપ રાષ્ટ્રને સમર્પિત કરશે અને ઇલેક્ટ્રિક લોકોમોટિવને લીલી ઝંડી આપશે.
સવારે દાહોદમાં લગભગ રૂ.૨૪,૦૦૦ કરોડના અનેક વિકાસ પ્રોજેક્ટ્સનો શિલાન્યાસ અને ઉદ્ધાટન કરશે.
દાહોદમાં એક જાહેર સભાને સંબોધિત કરશે.
બપોરે ૩.૩૦ વાગ્યેઃ ભુજમાં રોડ શો.
સાંજે ૪ વાગ્યેઃ ભુજમાં ૫૩,૪૦૦ કરોડ રૂપિયાથી વધુના અનેક વિકાસ પ્રોજેક્ટ્સનો શિલાન્યાસ અને ઉદ્ધાટન કરશે.
જાહેર સભાને સંબોધિત કરશે.
સાંજે ૭.૪૫ વાગ્યેઃ અમદાવાદમાં રોડ શો.
આ પહેલના ૨૦ વર્ષ પૂર્ણ થવાના પ્રસંગે, મોદી ગાંધીનગરમાં શહેરી વિકાસ વર્ષ ૨૦૨૫, ગુજરાતની શહેરી વિકાસ યોજના અને રાજ્ય સ્વચ્છ હવા કાર્યક્રમનો પ્રારંભ કરશે.
૨૭ મેઃ સવારે ૧૧ વાગ્યે ગાંધીનગરમાં શહેરી વિકાસ વર્ષ ૨૦૨૫નો પ્રારંભ કરશે.
વડાપ્રધાન ભુજ ખાતેથી કચ્છ, જામનગર, અમરેલી, જુનાગઢ, ગીર સોમનાથ, અમદાવાદ, તાપી અને મહીસાગર જિલ્લાને વિવિધ વિકાસકાર્યોની ભેટ આપશે. કંડલા પોર્ટ ઈન્ફ્રાસ્ટ્રક્ચર, સોલાર પ્લાન્ટ્સ, પાવર ટ્રાન્સમિશન, પવિત્ર યાત્રાધામ વિકાસ બોર્ડ, પાવરગ્રીડ તેમજ દીનદયાલ પોર્ટ ઓથોરિટીના કુલ ૩૩ વિકાસકાર્યોનું લોકાર્પણ અને ખાતમુહૂર્ત કરવામાં આવશે.
આ ઉપરાંત ગાંધીધામમાં સેન્ટર આલ્ફ એક્સેલન્સ, માતાના મઢ ખાતે મંદિર પરિસર, ખાટલા ભવાની, ચાચર કુંડ સહિતના વિસ્તારમાં વિકાસકાર્યોનું લોકાર્પણ કરાશે. ખાવડા નવનિર્મિત રિન્યુએબલ એનર્જી ઝોનમાંથી ટ્રાન્સમિશન સિસ્ટમ, ગાંધીધામ શહેરમાં વાવાઝોડા પ્રતિરોધક અંડરગ્રાઉન્ડ વીજ વિતરણ નેટવર્ક, ભુજથી નખત્રાણા સુધી લેન હાઈ સ્પીડ કોરિડોર, ગ્રીન હાઈડ્રોજન ઉત્પાદન સુવિધાનું નિર્માણ, કંડલામાં ૩ રોડ ઓવર બ્રિજનું નિમર્ાાણ, ધોળાવીરા ખાતે પ્રવાસન ઇન્ફ્રાસ્ટ્રક્ચર નિર્માણનો સમાવેશ થાય છે.
દાહોદમાં વડાપ્રધાન મોદી ૯૦૦૦ એચપીનું પ્રથમ લોકોમોટિવ એન્જિન દેશને સમર્પિત કરશે. આ ઉપરાંત આણંદ - ગોધરા, મહેસાણા-પાલનપુર, રાજકોટ -હડમતીયા રેલ લાઈનના ડબલિંગ કામ, સાબરમતી-બોટાદ ૧૦૭ કિ.મી. રેલ લાઈન ઇલેક્ટ્રિફિકેશન અને કલોલ-કડી કટોસણ રેલ લાઈન ગેજ પરિવર્તનના કામો સહિત કુલ રૂા. ૨૩,૨૯૨ કરોડના કામોનું લોકાર્પણ સંપન્ન કરાશે. મહીસાગર અને દાહોદ જિલ્લામાં વસતા નાગરિકોને પીવાનું શુદ્ધ પાણી મળી રહે માટે રૂા. ૧૮૧ કરોડના પીવાના પાણીની ચાર જેટલી સુધારણા જૂથ પાણી પુરવઠા યોજનાઓનું લોકાર્પણ કરશે.
દાહોદમાં નગરપાલિકા ભવન, આદિવાસી મ્યુઝિયમ સહિત જનસુવિધા અને જનસુખાકારીના વિકાસ કામો જનસમર્પિત કરશે. વડોદરા જિલ્લામાં સાવલી-ટીંબા માર્ગને ચાર માગીય બનાવવા, કાયાવરોહણ-સાપલી માર્ગ, જરોદ-સમલાયા માર્ગને પહોળા કરવા તેમજ પદમલા-રણોલી માર્ગ પર નવા બ્રિજના કુલ રૂા. ૫૮૧ કરોડના કામોનું ખાતમુહૂર્ત કરશે.
અમદાવાદમાં સિવિલ પરિસરમાં આઈપીડીનું ખાતમુહૂર્ત
૨૭મેના રોજ ગાંધીનગરના મહાત્મા મંદિર ખાતે પ્રધાનમંત્રી આવાસ યોજના હેઠળ તૈયાર થયેલા ૨૨,૦૦૦થી વધુ રહેણાંક એકમોનું લોકાર્પણ કરાશે. આ ઉપરાંત અમદાવાદમાં રૂા.૧૦૦૦ કરોડના ખર્ચે નિર્માણ થનારા સાબરમતી રિવરફ્રન્ટ ફેઝ-૩ના ખાતમુહૂર્તનો સમાવેશ થાય છે. ગાંધીનગરમાં યુ. એન. મહેતા ઇન્સ્ટીટયુટ ઓફ કાર્ડિયોલોજી એન્ડ રિસર્ચ સેન્ટરનું લોકાર્પણ કરશે. તો અમદાવાદમાં ઓપીડીસાથે ૧૮૦૦૦ બેડ ધરાવતા આઈપીડી જેમાં ચેપી રોગ માટે ૫૦૦ બેડની સુવિધા નિર્માણ થઇ રહ્યું છે, જેનું પણ સિવિલ પરિસરમાં વડાપ્રધાન ખાતમુહૂર્ત કરશે.
વંદેભારત સહિતની બે ટ્રેનોને પીએમ લીલી ઝંડી આપશે
વડાપ્રધાન મોદી દ્વારા દાહોદથી વિવિધ રેલવે પરિયોજનાઓનું ઉદ્ધાટન કરવામાં આવનાર છે ત્યારે સાબરમતી-બોટાદ ટ્રેન અને અમદાવાદ (સાબરમતી) સોમનાથ (વેરાવળ) વંદેભારત એક્સપ્રેસ ટ્રેનને પણ લીલી ઝંડી આપશે. જે સાથે આ નવી બંને ટ્રેનો ગુજરાતમાં શરૂ થશે. ૮ કોચની વંદેભારત ટ્રેન ૨૭મેથી શરૂ થશે
(10:51 AM IST)
છેલ્લા 8 દિવસમાં સૌથી લોકપ્રિય 
