બેંક વીમા કવચ ૫ લાખ રૂપિયાથી વધારીને ૧૦ લાખ કરવા તૈયારી
કરોડો બેંક ખાતાધારકોને મળશે ખુશખબર! : ડિપોઝિટ ઈન્શ્યોરન્સ એન્ડ ક્રેડિટ ગેરંટી કોર્પોરેશન (DICGC) તરફથી બેંક એકાઉન્ટમાં જમા ૫ લાખ રૂપિયા સુધીની જમા રકમ સંપૂર્ણ રીતે સુરક્ષિત રહે છે. પરંતુ જો કોઈ એકાઉન્ટમાં તેનાથી વધુ પૈસા જમા હોય તો તે પરત મળતા નથી
મુંબઇ તા.૨૬: છેલ્લા એક વર્ષ દરમિયાન, ઘણી બેંકોને નાણાકીય કટોકટીનો સામનો કરવો પડ્યો હતો. RBI એ કેટલીક બેંકોને બંધ કરવાનો નિર્ણય લીધો કારણ કે તેમની પાસે પૂરતા ભંડોળ ન હતું. જ્યારે કોઈ બેંક બંધ થાય છે, ત્યારે જે લોકોએ તેમાં પૈસા જમા કરાવ્યા છે તેઓ ઘણીવાર ચિંતામાં મુકાઈ જાય છે. આમાં ઘણા લોકોને નુકસાન પણ થાય છે. લોકો ચિંતિત છે કે તેમના ખાતામાં જમા થયેલા પૈસાનું શું થશે? આવી કોઈપણ સમસ્યામાંથી રાહત મેળવવા માટે, બેંક થાપણોનો વીમો લેવામાં આવે છે.
વીમા કવચ વધારવાની તૈયારીઓ ચાલી રહી છે
બેંક ખાતાઓમાં ૫ લાખ રૂપિયા સુધીની થાપણો ડિપોઝિટ ઇન્શ્યોરન્સ અને ક્રેડિટ ગેરંટી કોર્પોરેશન (DICGC) પાસે સંપૂર્ણપણે સુરક્ષિત છે. પરંતુ જો કોઈના ખાતામાં આનાથી વધુ પૈસા જમા થાય તો તે પૈસા પરત મળતા નથી. હવે સમાચાર આવી રહ્યા છે કે સરકાર વીમા કવચમાં ૫ લાખ રૂપિયાનો વધારો કરવાની તૈયારી કરી રહી છે. બિઝનેસ સ્ટાન્ડર્ડમાં પ્રકાશિત સમાચાર અનુસાર, આ મર્યાદા ૫ લાખ રૂપિયાથી વધારીને ૧૦ લાખ રૂપિયા કરવાની તૈયારી ચાલી રહી છે.
બેંક ડિપોઝિટ વીમો શું છે?
બેંક ડિપોઝિટ વીમો એક પ્રકારની ગેરંટી છે. આનો અર્થ એ થયો કે જો કોઈ બેંક ફડચામાં જાય છે, તો તમારી બેંકમાં જમા કરાયેલા પૈસાની એક નિ?તિ રકમ સુરક્ષિત રહેશે અને તમને તે પાછી મળશે. અત્યાર સુધી, આ વીમાનો લાભ ૫ લાખ રૂપિયા સુધીની થાપણો પર ઉપલબ્ધ હતો. આ પાંચ વર્ષ પહેલાં નક્કી થયું હતું. આનો સીધો અર્થ એ છે કે જો તમે બેંકમાં ૫ લાખ રૂપિયા કે તેથી વધુ રકમ જમા કરાવી હોય અને બેંક નાદાર થઈ જાય, તો તમને ઓછામાં ઓછા ૫ લાખ રૂપિયા ચોક્કસપણે પાછા મળશે.
શું કોઈ ફેરફાર થવાનો છે?
એક અધિકારીએ જણાવ્યું છે કે સરકાર આગામી છ મહિનામાં આ વીમાની મર્યાદા વધારવાનું વિચારી રહી છે. જોકે, નવી મર્યાદા કેટલી વધારવામાં આવશે તે હજુ સુધી નક્કી કરવામાં આવ્યું નથી. પરંતુ અધિકારીએ સ્પષ્ટપણે સંકેત આપ્યો કે આ મર્યાદા ૧૦ લાખ રૂપિયા સુધીની રહેશે. આનો અર્થ એ થયો કે જો ભવિષ્યમાં કોઈ બેંક નાદાર થાય તો તમે ૧૦ લાખ રૂપિયાથી વધુની રકમ સુરક્ષિત રીતે મેળવી શકશો.
કયા ખાતા કવર થાય છે?
આ વીમો ડિપોઝિટ ઈન્શ્યોરન્સ એન્ડ ક્રેડિટ ગેરંટી કોર્પોરેશન (ઝત્ઘ્ઞ્ઘ્) નામની સંસ્થા તરફથી આપવામાં આવે છે. તેની અંદર તમામ પ્રકારના ડિપોઝિટ એકાઉન્ટ આવે છે. આ ઈન્શ્યોરન્સ હેઠળ સેવિંગ એકાઉન્ટ કરંટ એકાઉન્ટ અને કસ્ટમર તરફથી કોમર્શિયલ અને સહકારી બેંકોમાં રાખવામાં આવેલા તમામ પ્રકારના જમા સામેલ થાય છે.
(4:07 PM IST)
છેલ્લા 8 દિવસમાં સૌથી લોકપ્રિય 
