ભોપાલ, મધ્યપ્રદેશઃ ભોપાલના ફેમિલી કોર્ટમાં એક અનોખો અને ચોંકાવનારો કેસ સામે આવ્યો છે, જેમાં સંયુકત પરિવારમાં રહેતી દેવરાણી અને જેઠાણી વચ્ચેના લેસ્બિયન (સજાતીય) સંબંધે પરિવારની એકતા તોડી નાખી. આ ઘટનામાં દેવરાણી અને જેઠાણી ત્રણ મહિના સુધી ફરાર રહ્યાં બાદ ઘરે પાછાં ફર્યાં, પરંતુ આ ઘટનાએ પરિવારને વિખેરી નાખ્યો. મોટા ભાઈએ શરમના કારણે શહેર છોડી દીધું, જ્યારે નાના ભાઈએ પોતાની પત્ની પાસે છૂટાછેડાની માગણી કરી છે.

શું છે સમગ્ર ઘટના?

ભોપાલના એક સંયુકત પરિવારમાં રહેતા બે ભાઈઓના પરિવારની આ ઘટના છે. મુકેશ અને સાધનાના લગ્ન વર્ષ ૨૦૨૩માં થયા હતા. બંને પોતાના મોટા ભાઈ, ભાભી અને માતા સાથે સંયુકત પરિવારમાં રહેતા હતા. શરૃઆતમાં બધું બરાબર ચાલતું હતું, પરંતુ એક દિવસ મુકેશને જાણ થઈ કે તેની પત્ની સાધના લેસ્બિયન છે અને તેની ભાભી સાથે તેનું અફેર છે. આ વાતથી પરિવારમાં હડકંપ મચી ગયો.

આ ઘટનાની જાણ થતાં પરિવારે બંનેને સમજાવવાનો પ્રયાસ કર્યો, પરંતુ તે પહેલાં જ સાધના અને તેની ભાભી ઘર છોડીને ફરાર થઈ ગયાં. પરિવારે તેમને શોધવાનો પ્રયાસ કર્યો, પરંતુ ત્રણ મહિના સુધી તેમનો કોઈ પત્તો ન લાગ્યો. પરિવારે પોલીસમાં ફરિયાદ પણ નોંધાવી. ત્રણ મહિના બાદ બંને અચાનક ઘરે પાછાં ફર્યાં.

શું હતો સાધનાનો ઈરાદો?

જાણકારી મુજબ, સાધના અને મુકેશ એક જ બિલ્ડિંગમાં રહેતા હતા. મુકેશ તેના પરિવાર સાથે નીચેના માળે, જ્યારે સાધના પોતાની માતા સાથે ઉપરના માળે રહેતી હતી. આ દરમિયાન બંને વચ્ચે ઓળખાણ થઈ અને પ્રેમનો નાટક શરૃ થયો. પરંતુ મુકેશને બાદમાં જાણ થઈ કે સાધના તેનો ઉપયોગ માત્ર પોતાની ભાભી સુધી પહોંચવા માટે કરી રહી હતી. સાધના શરૃઆતથી જ પોતાની ભાભી પ્રત્યે આકર્ષિત હતી અને તેની નજીક આવવા માટે તેણે મુકેશ સાથે લગ્નનો નાટક રચ્યો હતો.

પરિવારમાં તણાવ અને છૂટાછેડાની માગણી

સાધનાની સચ્ચાઈ સામે આવ્યા બાદ મુકેશે તેની સાથે રહેવાનો ઈનકાર કર્યો. આ ઘટનાએ પરિવારમાં તણાવ વધાર્યો, અને મોટા ભાઈ-ભાભી વચ્ચે પણ અંતર આવવા લાગ્યું. મુકેશે ભોપાલ ફેમિલી કોર્ટમાં છૂટાછેડા માટે અરજી કરી છે, જ્યારે સાધના છૂટાછેડા આપવા તૈયાર નથી. બીજી તરફ, મોટા ભાઈએ સામાજિક શરમના કારણે શહેર છોડી દીધું છે.

ફેમિલી કોર્ટની કાઉન્સેલિંગ

ભોપાલ ફેમિલી કોર્ટના સિનિયર કાઉન્સેલર શૈલ અવસ્થીના જણાવ્યા મુજબ, લેસ્બિયન સંબંધોને લઈને વ્યકિતગત સ્વતંત્રતા હોવી જોઈએ, પરંતુ ભારતીય સમાજ હજુ આવા સંબંધોને સ્વીકારવા માટે તૈયાર નથી. તેમનું કહેવું છે કે ઘણી વખત પરિવારને લાગે છે કે લગ્નથી આવી સમસ્યાઓ હલ થઈ જશે, પરંતુ હકીકતમાં એવું થતું નથી. તેમણે એમ પણ કહ્યું કે, જો કોઈ વ્યકિત ગે કે લેસ્બિયન છે, તો તેને પોતાની રીતે જીવન જીવવાનો અધિકાર છે. એક મહિલા બીજી મહિલા સાથે કે એક પુરુષ બીજા પુરુષ સાથે જીવન ગુજારી શકે છે.

સાધનાનો બોય કટ લૂક અને આરોપ

ફેમિલી કોર્ટમાં કાઉન્સેલિંગ દરમિયાન સાધનાનો બોય કટ હેરસ્ટાઈલ અને લડકાની જેમનો વ્યવહાર ચર્ચાનો વિષય બન્યો. પ્રથમ નજરે તેને ઓળખવું મુશ્કેલ હતું.

સાધનાએ આરોપ લગાવ્યો કે તેના પતિ મુકેશે તેના વાળ કાપી નાખ્યા, જેના કારણે તેને ટૂંકા વાળ રાખવા પડે છે. જોકે, આ અંગે તેણે પોલીસમાં કોઈ ફરિયાદ નથી કરી. સાધના હજુ પણ મુકેશ સાથે રહેવા માંગે છે, પરંતુ મુકેશ તેની સાથે રહેવા તૈયાર નથી.

'

સામાજિક પડકારો અને લેસ્બિયન સંબંધો

સામાજિક સ્વીકૃતિઃ ભારતીય સમાજમાં લેસ્બિયન અને ગે સંબંધો હજુ પણ નિષિદ્ધ ગણાય છે, જેના કારણે આવા કેસોમાં પરિવારોમાં તણાવ વધે છે. કાઉન્સેલિંગની જરૃરઃ ફેમિલી કોર્ટના કાઉન્સેલરોનું માનવું છે કે આવા કેસોમાં વ્યકિતગત સ્વતંત્રતાને સમજવા માટે સમાજે આગળ આવવું જોઈએ. કાનૂની પરિસ્થિતિઃ ભારતમાં સમલૈંગિક સંબંધોને ૨૦૧૮માં કલમ ૩૭૭ હટાવ્યા બાદ કાયદેસર માન્યતા મળી છે, પરંતુ સામાજિક સ્વીકૃતિ હજુ બાકી છે. છૂટાછેડાની અરજીઃ મુકેશે ફેમિલી કોર્ટમાં છૂટાછેડા માટે અરજી કરી છે, જેની સુનાવણી ચાલુ છે.