નવી દિલ્‍હી, તા. ર : વિશ્વભરમાં કરોડો લોકો ઇન્‍સ્‍ટન્‍ટ મેસેજિંગ માટે તેનો ઉપયોગ કરે છે. વોટ્‍સએપ  તેના વપરાશકર્તાઓની સુવિધા માટે સમયાંતરે નવી સુવિધાઓ લાવતું રહે છે. હવે કંપની યુઝરનેમ પિન નામની એક નવી સુવિધા લાવવા જઈ રહી છે.

વોટ્‍સએપનો ઉપયોગ કરતા કરોડો વપરાશકર્તાઓને યુઝરનેમ પિન સુવિધાથી મોટી સુવિધા મળશે. આ સુવિધાના રોલઆઉટ પછી તમારા વોટ્‍સએપને સુરક્ષાનું વધારાનું સ્‍તર મળશે. હવે કોઈ અજાણ્‍યો વ્‍યક્‍તિ કોઈના પણ વોટ્‍સએપનો ઉપયોગ કરી શકશે નહીં.

વોટ્‍સએપ યુઝરનેમ પિન વિશે માહિતી કંપનીના અપડેટ્‍સ અને આવનારી સુવિધાઓ પર નજર રાખતી વેબસાઇટ Wabetainfo દ્વારા આપવામાં આવી છે. Wabetainfં અનુસાર WhatsAppનું આગામી ફીચર એન્‍ડ્રોઇડ ૨.૨૫.૧૭.૪૮ વર્ઝન માટે WhatsApp બીટામાં જોવા મળ્‍યું છે. આ ફીચર પછી કોઈ પણ અજાણ્‍યો વ્‍યક્‍તિ પિન વગર બીજા કોઈના વોટ્‍સએપ પરથી મેસેજ કરી શકશે નહીં.

થોડા સમય પહેલા વોટ્‍સએપના યુઝરનેમ ફીચર અંગે ઘણા લીક્‍સ બહાર આવ્‍યા હતા. એવું કહેવામાં આવ્‍યું હતું કે જો કોઈ વ્‍યક્‍તિ પોતાનો મોબાઈલ નંબર કોઈને આપવા માંગતો નથી, તો તે તેને યુઝરનેમ કહી શકે છે. આનો એક મોટો ફાયદો એ થશે કે કોઈને ફક્‍ત યુઝરનેમ દ્વારા જ શોધી શકાય છે અને તમારે ફોનમાં આવા લોકોના નંબર સેવ કરવાની પણ જરૂર રહેશે નહીં, જેમનું એકાદ કે બે વખત કામ હોય છે.(