મુંબઈઃ ભારતમાં આ વર્ષે ચોમાસાએ ૧૬ વર્ષમાં સૌથી વહેલી શરૂઆત કરીને ખેડૂતો અને જનતામાં ખુશીનો માહોલ સર્જ્‍યો હતો. જોકે, હવે ચોમાસાની પ્રગતિ થોડા સમય માટે અટકી ગઈ છે, અને આગામી એક અઠવાડિયાથી વધુ સમય સુધી દેશમાં વરસાદ ઓછો રહેવાની સંભાવના છે. પરંતુ, ચિંતા કરવાની જરૂર નથી, કારણ કે હવામાન વિભાગના વરિષ્ઠ અધિકારીઓએ જણાવ્‍યું છે કે ૧૧ જૂનથી ચોમાસું ફરી સક્રિય થવાની પ્રબળ શકયતા છે, જે દેશના $૪ ટ્રિલિયનના અર્થતંત્ર માટે જીવનદાયી સાબિત થશે.

ભારતીય હવામાન વિભાગ (IMD) ની પુણે ઓફિસના વૈજ્ઞાનિક એસ. ડી. સાનપે સ્‍પષ્ટતા કરી કે, આગામી થોડા દિવસો ચોમાસાનો વરસાદ ઓછો રહેશે, પરંતુ ૧૧-૧૨ જૂનથી ચોમાસું મજબૂત બનશે અને દેશના બાકીના ભાગોને આવરી લેવાનું શરૂ કરશે.

IMD ચાર્ટ મુજબ, આ વર્ષે કેરળમાં ચોમાસાની શરૂઆત ૨૪ મેના રોજ થઈ હતી, જે સામાન્‍ય સમયપત્રક કરતાં વહેલી હતી. તેણે ઝડપથી દક્ષિણ, ઉત્તરપૂર્વીય અને પﾍમિ ભારતના કેટલાક ભાગોને આવરી લીધું હતું. પરંતુ, છેલ્લા કેટલાક દિવસોથી તેની પ્રગતિ અટકી ગઈ છે, જેને ‘‘ચોમાસાનો પોરો'' તરીકે ઓળખવામાં આવે છે.

અન્‍ય એક હવામાન વિભાગના અધિકારીએ જણાવ્‍યું હતું કે, ૧૧ જૂન આસપાસ બંગાળની ખાડીમાં એક હવામાન પ્રણાલી વિકસિત થવાની સંભાવના છે. આ નવી સિસ્‍ટમ્‍સ ચોમાસાને મજબૂત કરશે અને દેશના ઉત્તરીય ભાગોમાં તેની પ્રગતિ માટે અત્‍યંત અનુકૂળ પરિસ્‍થિતિઓ બનાવશે.

સામાન્‍ય રીતે, ચોમાસું ૧ જૂન આસપાસ કેરળમાં પહોંચે છે અને જુલાઈના મધ્‍ય સુધીમાં દેશભરમાં ફેલાઈ જાય છે, જેનાથી ખેડૂતો ચોખા, મકાઈ, કપાસ, સોયાબીન અને શેરડી જેવા મહત્‍વપૂર્ણ પાકોનું વાવેતર કરી શકે છે. પણ આ વર્ષે વ્‍હેલું ૨૪ મેના  રોજ પહોંચ્‍યું હતું.

ચોમાસાના વહેલા આગમનથી ખેડૂતોમાં આનંદ છવાઈ ગયો હતો, જોકે વરસાદમાં તાજેતરના અને અચાનક અટકી જવાના કારણે તેમને થોડું આﾍર્ય થયું હતું. મુંબઈ સ્‍થિત એક વૈશ્વિક વેપાર ગળહના ડીલરે જણાવ્‍યું કે, ‘‘વધુ વરસાદ ન થાય ત્‍યાં સુધી ખેડૂતો સોયાબીન, કપાસ અને અન્‍ય ઉનાળુ પાકોનું વાવેતર અટકાવી રહ્યા છે. તેઓ જમીનમાં પૂરતી ભેજ થાય તેની રાહ જોઈ રહ્યા છે.''

આમ, આગામી દિવસોમાં ચોમાસાની પ્રગતિ પર સૌની નજર રહેશે, ૧૧ જૂન બાદ ફરી સક્રિય થવાની આગાહી ખેડૂતો માટે રાહતના સમાચાર લઈને આવી છે.