આઈપીએલથી જીયો સિનેમાની કમાણી ૪,૫૦૦ કરોડ
૨૮ કરોડ સબ્સ્ક્રીપ્શન સાથે જીયો સિનેમા બન્યું દેશનું ડિજિટલ મનોરંજનનું સુપર પાવરઃ નેટફિલકસથી માત્ર બે કરોડ પાછળ
નવી દિલ્હીઃ આઈપીએલ ઇન્ડિયન માત્ર ક્રિકેટનો જ નહીં, પણ અબજો રૂપિયાની કમાણીનો પણ મંચ છે! આ ટુર્નામેન્ટ ટીમોની ફ્રેન્ચાઈઝીથી લઈને ગ્ઘ્ઘ્ત્ સુધી, દર વર્ષે કરોડો રૂપિયાનો ફાયદો કરાવે છે. પરંતુ આ વખતે, ડિજિટલ સ્ટ્રીમિંગ પ્લેટફોર્મ જીયો સિનેમા એ કમાણીના તમામ રેકોર્ડ તોડી નાખ્યા છે, જેના આંકડા જોઈને તમારા હોશ ઉડી જશે!
આ સીઝન દર્શકોની દ્રષ્ટિએ અત્યંત સફળ રહ્યો છે, અને તેનો સૌથી મોટો ફાયદો જીયોને થયો છે. આજે, ૩ જૂને, રોયલ ચેલેન્જર્સ બેંગલુરુ (RCB) અને પંજાબ કિંગ્સ (PBKS) વચ્ચેની ફાઇનલ મેચ સાથે આ સીઝનનો અંત થશે, અને આ સાથે જ જીયોની તિજોરી કેટલી ભરાઈ છે, તેના આંકડા પણ સામે આવી રહ્યા છે.
આંકડાઓ પર નજર કરીએ તો, જીયો સિનેમાના સબ્સ્ક્રિપ્શન આ મહિને વધીને ૨૮ કરોડ પર પહોંચી ગયા છે, જે એપ્રિલમાં ૨૦ કરોડની આસપાસ હતા. તેની સરખામણીમાં, નેટફિ્લક્સ પાસે વિશ્વભરમાં લગભગ ૩૦ કરોડ સબ્સ્ક્રિપ્શન્સ છે. આ જોતાં, જીયો યુઝર્સની સંખ્યાના આધારે નેટફિ્લક્સથી માત્ર ૨ કરોડ જ પાછળ રહી ગયું છે, જે ખરેખર અદ્ભુત સિદ્ધિ છે! આંકડા દર્શાવે છે કે, આ સીઝન જીયો સિનેમા માટે માત્ર ગ્રાહક સંખ્યા જ નહીં, પરંતુ રેવન્યુ જનરેશનમાં પણ અસાધારણ રહ્યો છે. એક રિપોર્ટ અનુસાર, આ ઇવેન્ટથી જીયો સિનેમા ને રૂ.૪,૫૦૦ કરોડનું જંગી રેવન્યુ મળવાની અપેક્ષા છે! માહિતી મુજબ, ગયા સીઝનમાં આ રેવન્યુ આશરે રૂ.૪,૦૦૦ કરોડ હતું.
(3:17 PM IST)
છેલ્લા 8 દિવસમાં સૌથી લોકપ્રિય 
