નવી દિલ્હી તા.૪ : પાકિસ્તાની સુરક્ષા દળોએ ઉત્તર-પશ્ચિમ પાકિસ્તાનમાં અફઘાનિસ્તાનની સરહદે આવેલા આદિવાસી જિલ્લામાં ગુપ્ત માહિતી આધારિત કાર્યવાહીમાં 14 આતંકવાદીઓને ઠાર માર્યા છે. લશ્કરી મીડિયા વિંગે બુધવારે આ અંગે માહિતી આપી હતી. ઇન્ટર-સર્વિસિસ પબ્લિક રિલેશન્સ (ISPR) દ્વારા જારી કરાયેલા એક નિવેદન અનુસાર, "2-3 જૂન, 2025 ના રોજ, આતંકવાદીઓની હાજરીની માહિતીના આધારે સુરક્ષા દળોએ ઉત્તર વઝીરિસ્તાન જિલ્લાના દત્તા ખેલમાં ગુપ્ત માહિતી આધારિત કાર્યવાહી શરૂ કરી હતી."

આતંકવાદીઓને ખતમ કરવા માટે ચાલી રહી છે કામગીરી

ISPR ના નિવેદનમાં કહેવામાં આવ્યું છે કે સૈનિકોએ આ વિસ્તારમાં એક આતંકવાદી ઠેકાણા પર દરોડા પાડ્યા હતા. ભીષણ ગોળીબાર પછી 14 આતંકવાદીઓ માર્યા ગયા હતા. તેમાં કહેવામાં આવ્યું છે કે, "આ વિસ્તારમાં અન્ય આતંકવાદીઓને ખતમ કરવા માટે પણ કાર્યવાહી કરવામાં આવી રહી છે. પાકિસ્તાનના સુરક્ષા દળો દેશમાં આતંકવાદના ખતરાને દૂર કરવા માટે કામ કરી રહ્યા છે."

પાકિસ્તાનમાં ઘૂસણખોરી કરનારા સામે મોટી કાર્યવાહી

તમને જણાવી દઈએ કે તાજેતરમાં અફઘાનિસ્તાનથી પાકિસ્તાનમાં ઘૂસણખોરી કરવાનો પ્રયાસ કરતી વખતે એક એન્કાઉન્ટરમાં તહરીક એ તાલિબાન પાકિસ્તાનના ઓછામાં ઓછા 41 આતંકવાદીઓ માર્યા ગયા હતા. આ એન્કાઉન્ટર ઉત્તર વઝીરિસ્તાનના આદિવાસી જિલ્લાના બિબાક ઘર વિસ્તાર પાસે થયું હતું. માર્યા ગયેલા મોટાભાગના આતંકવાદીઓ અફઘાન નાગરિકો હતા.