ઈરાન અને ઈઝરાયલ વચ્ચે તણાવ વધી રહ્યો છે. શુક્રવારે ઈઝરાયલના હુમલા બાદ ઈરાને બદલો લીધો છે. ઈરાને બદલામાં લગભગ 200 બેલિસ્ટિક મિસાઈલોનો ઉપયોગ કર્યો હતો. એવો પણ દાવો કરવામાં આવી રહ્યો છે કે આ હુમલામાં ઈઝરાયલના યુદ્ધ મંત્રાલયને નુકસાન થયું છે.

ઇરાકી સરકારે ઇરાનને વિનંતી કરી છે કે તે પ્રાદેશિક તણાવથી પોતાને બચાવવા માટે ઇરાકી ભૂમિ પર અમેરિકન હિતોને નિશાન ન બનાવે. એક વરિષ્ઠ સુરક્ષા અધિકારીએ જણાવ્યું હતું કે બગદાદ, જે ઇરાનનો નજીકનો સાથી છે અને અમેરિકાનો વ્યૂહાત્મક ભાગીદાર પણ છે, તે કોઈ મોટા સંઘર્ષમાં ફસાવવા માંગતો નથી. ઇરાને ઇરાકની અપીલને સમજીને સકારાત્મક સંકેતો આપ્યા છે. ઇરાકમાં લગભગ 2,500 અમેરિકન સૈનિકો હાજર છે.