છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
અમદાવાદ વિમાન દુર્ઘટનાઃ સાત લોકો અગમ્ય કારણોથી બચ્યા
AI ૧૭૧ માં સવાર થવાના હતા પણ ચમત્કારિક રીતે બચી ગયેલા યાત્રીઓની હૃદયસ્પર્શી કહાણીઓઃ કોઈ માતાની લાગણીથી અટકયું, તો કોઈ દસ્તાવેજોની ખામી કે ટ્રાફિકને કારણે ન જઇ શકયું
અમદાવાદ, તા. ૧૬: ભાગ્ય હંમેશા ગર્જના કરીને નથી આવતું. કયારેક તે જીવનમાં શાંતિથી સરકી જાય છે - એક માતાનો ધ્રૂજતો અવાજ, અણધારી ટ્રાફિક જામ, અથવા કોઈ કારણ વગર કરવામાં આવેલો ફોન કોલ. ૧૨ જૂનના રોજ એર ઇન્ડિયા ફલાઇટ ૧૭૧ માં સવાર થવાના હતા તેવા સાત લોકોએ અનુભવ્યું કે ભાગ્યની એક નાનકડી સિસોટી કેટલી જોરથી સંભળાઈ શકે છે. અમદાવાદથી લંડન જતી આ ફલાઇટ દુર્ભાગ્યવશ ઉડાન ભરી શકી ન હતી. અને આ ભાવિ મુસાફરો માટે, સમયનો વળાંક, અંતર્જ્ઞાન, કે માત્ર અસુવિધા જીવન અને મળત્યુ વચ્ચેની ભેદરેખા બની ગઈ.
વડોદરાના યમન વ્યાસ, યુકેમાં બે વર્ષ કામ કર્યા પછી પોતાના પરિવારની લાંબા સમયથી બાકી મુલાકાત પૂરી કરીને પરત ફરવા તૈયાર હતા. તેમની લંડન પરત ફરવાની ટિકિટ કન્ફર્મ હતી, દસ્તાવેજો વ્યવસ્થિત હતા, અને બેગ પેક હતી. પરંતુ, જ્યારે તેઓ એરપોર્ટ જવા નીકળ્યા, ત્યારે તેમની માતા રડી પડ્યા. ‘થોડા દિવસ રોકાઈ જા ને, બેટા,' તેમણે કહ્યું. તેમની ભાવનાત્મક અવાજે યમનના નિﾍયને ભેદી નાખ્યો. તેમના પિતાએ પણ શાંતિથી તેમની વિનંતીને ટેકો આપ્યો. તે જ ક્ષણે, યમને ત્વરિત નિર્ણય લીધો - તેમણે પોતાની ફલાઇટ કેન્સલ કરી.
૨૯ વર્ષીય જૈમિન પટેલ અને ૨૫ વર્ષીય પ્રિયા પટેલ માટે, લંડનની તેમની ફલાઇટ વિદેશમાં એક મિત્ર સાથે આનંદમય રજાની શરૂઆત હતી. તેમના વિઝા તૈયાર હતા, બેગ પેક હતી. પરંતુ જ્યારે તેઓ એર ઇન્ડિયાના ચેક-ઇન કાઉન્ટર પર પહોંચ્યા, ત્યારે સમસ્યાઓ ઊભી થઈ. એરલાઇન સ્ટાફે તેમના કાગળિયામાં વિસંગતતાઓ શોધી કાઢી. ક્લિયરન્સ વિના, તેઓ ર્બોડિંગ પાસ આપી શકયા નહીં.
સાવજી ટિંબાડિયાની સીટ 1A આરક્ષિત હતી. તેમની બેગ પેક હતી, અને તેમનું મન લંડનમાં તેમના પુત્રને મળવા પર હતું. પરંતુ તે સવારે વહેલા, એક અજીબ બેચેની મનમાં છવાઈ ગઈ. કોઈ ગભરાટ ન હતો, કોઈ ચેતવણી ન હતી - માત્ર એક અસ્વસ્થતા.
તેમણે ફોન ઉપાડ્યો અને પોતાના પુત્રને ફોન કર્યો. તેમણે યાદ કર્યું, ‘મેં કહ્યું કે હું નહીં આવું. મને આજે ઉડાન ભરવાનું મન નથી થતું.' ભૂમિ ચૌહાણ મોડા પડયા હતા. અમદાવાદનો ટ્રાફિક એરપોર્ટ સુધીના તેમના પ્રવાસને અવ્યવસ્થિત કરી દીધો હતો. ડાયવર્ઝન, બોટલનેક, જામ - જ્યારે તે પહોંચ્યા, ત્યારે ૧૨:૨૦ p.m. થઈ ગયા હતા. ર્બોડિંગ ગેટ્સ ૧૨:૧૦ વાગ્યે બંધ થઈ ગયા હતા. તેમણે સ્ટાફને આજીજી કરી. તેઓ અડગ રહ્યા.
વડોદરામાં જયેશ ઠક્કર શહેરના કેટલાક સૌથી મોટા ગરબા કાર્યક્રમોના આયોજક તરીકે જાણીતા છે. તેમને AI ૧૭૧ માં સવાર થવાનો સંપૂર્ણ ઇરાદો હતો. પરંતુ વ્યવસાયિક કામ અર્થે તેમને કોલકાતા જવું પડ્યું, અને ત્યાંના વિલંબને કારણે સમયસર પાછા ફરવું અશકય બન્યું.
તેમણે કહ્યું, ‘મને સમજાયું કે હું નહીં પહોંચી શકું, તેથી મેં પછીથી બુકિંગ કરાવ્યું.' તે લોજિસ્ટિકલ અવરોધ - તે સમયે નિરાશાજનક - જીવન બચાવનાર નિર્ણય સાબિત થયો.
રવજી પટેલે પૂરતું સહન કર્યું હતું. મે મહિનામાં, તેમણે પોતાની પુત્રી ભારતીને કેન્સરથી ગુમાવી હતી. તેમના જમાઈ, અર્જુન પાટોળિયા, તેમની ૮ અને ૪ વર્ષની દીકરીઓ સાથે લંડન પરત ફરી રહ્યા હતા, અંતિમ સંસ્કાર પૂર્ણ કર્યા પછી.
અર્જુને રવજીને સાથે આવવા વિનંતી કરી હતી, રવજીએ નરમાશથી કહ્યું, ‘તેઓ મને આવવા માંગતા હતા, પણ મારે અહીં કામ હતું. મેં વચન આપ્યું કે હું બે અઠવાડિયામાં ઉડીશ. તેઓ સંમત થયા.' હવે, પોતાની પુત્રી ગુમાવ્યાના માંડ ૨૦ દિવસ પછી, રવજીને પોતાના જમાઈનો પણ શોક કરવાનો વારો આવ્યો
(3:28 PM IST)
