બોયફ્રેન્ડ સામે જ મહિલા પર ગેંગરેપઃ ૭ લોકોની અટકાયત
યુવતીએ પોતાની ફરિયાદમાં જણાવ્યું હતું કે તેઓ એકાંત જગ્યાએ બેઠા હતા ત્યારે ૧૦ લોકોનું એક જૂથ ૩ મોટરસાઇકલ પર તેમની પાસે આવ્યું અને તેના બોયફ્રેન્ડને પકડી લીધો, ત્યારબાદ તેઓએ વારાફરતી તેના પર બળાત્કાર કર્યો
ગોપાલપુર, તા.૧૭: પોલીસે જણાવ્યું હતું કે ઓડિશાના પ્રખ્યાત પર્યટન સ્થળ ગોપાલપુર બીચ પર એકાંત સ્થળે લગભગ ૧૦ લોકોએ ૨૦ વર્ષની છોકરી પર ગેંગરેપ કર્યો હતો. સોમવારે અહીં એક ખાનગી કોલેજની ગ્રેજ્યુએટ વિદ્યાર્થી દ્વારા જ્ત્ય્ નોંધાવ્યા બાદ ગોપાલપુર પોલીસ સ્ટેશનમાં આ કેસ નોંધવામાં આવ્યો હતો.
પોલીસના જણાવ્યા અનુસાર, છોકરી ત્રણ અન્ય મહિલાઓ સાથે એક ખાનગી મેસમાં રહેતી હતી અને રવિવારે, રાજા ઉત્સવ નિમિત્તે, તે તેના સહાધ્યાયી અને બોયફ્રેન્ડ સાથે બીચ પર ગઈ હતી.
તેની ફરિયાદમાં, છોકરીએ જણાવ્યું હતું કે તેઓ એકાંત જગ્યાએ બેઠા હતા ત્યારે ૧૦ લોકોનું એક જૂથ ત્રણ મોટરસાઇકલ પર તેમની પાસે આવ્યું અને તેના બોયફ્રેન્ડને પકડી લીધો, ત્યારબાદ તેઓએ વારાફરતી તેના પર બળાત્કાર કર્યો. આ જૂથે કથિત રીતે યુગલના ફોટા લેવાનું શરૂ કર્યું અને તેમને જાહેર કરવાની ધમકી આપી.
બહરામપુરના પોલીસ અધિક્ષક (એસપી) સરવણ વિવેક એમ. એ જણાવ્યું હતું કે ગુનામાં સંડોવણીની શંકાના આધારે ઓછામાં ઓછા સાત લોકોને પૂછપરછ માટે અટકાયતમાં લેવામાં આવ્યા છે. એસપી અને અન્ય વરિષ્ઠ પોલીસ અધિકારીઓ તપાસ માટે ઘટનાસ્થળે પહોંચ્યા હતા. એસપીએ કહ્યું, અટકાયત કરાયેલા બધા વ્યક્તિઓ પુખ્ત વયના છે અને અમે તેમની વિવિધ મુદ્દાઓ પર પૂછપરછ કરી રહ્યા છીએ. અન્ય એક વરિષ્ઠ પોલીસ અધિકારીએ જણાવ્યું હતું કે અટકાયત કરાયેલા વ્યક્તિઓ સ્થાનિક નથી અને તેઓ રાજા ઉત્સવ નિમિત્તે દરિયા કિનારે આવ્યા હતા. પોલીસે જણાવ્યું હતું કે તપાસના ભાગ રૂપે, પીડિતા અને અટકાયત કરાયેલા વ્યક્તિઓની તબીબી તપાસ કરવામાં આવશે.
(4:09 PM IST)
છેલ્લા 8 દિવસમાં સૌથી લોકપ્રિય 
